Charter Document - 06000060

In nomine Patris et Filii et Spiritus sancti Generatio advenit et generatio preterit cunctisque ad casum tendentibus gesta presentium que posteris memoranda previdentur scriptis mandantur Quocirca et nos tempori servientes scire volumus et presentes et futuros Humolariensem ecclesiam a Beati Proiecti ecclesia altare de Morocurt censualiter accepisse tali quidem conditione ut quot annis decem modios frumenti mensura illi persolvat et sic deinceps ipsum in omni fructu usuario libere possideat Retenta tamen in manu prefate ecclesie sola presbyterii donatione tali videlicet tenore ut quemcumque presbyterum Humolariensis ecclesia elegerit illi ab abbate Sancti Proiecti sine contradictione donetur et prefato abbati omnino de episcopalibus responsuro oblate que vulgo dicuntur oblie ab eodem sacerdote Sed quia prefata ecclesia sub nimietate census gravari videbatur supradictus abbas rogatu fratrum suorum aliquantisper indulsit in hoc scilicet ut campellos duos de dote altaris Dessigny quorum alter situs est sub molendino de Curcellis alter in cultura sub Quercu quos monachi inter se cambierant liberos ab omni decima sicut ipse diu possederat possidendos concessit Addimus item his quod eadem ecclesia ab illa quidquid decime infra territorium Marchei vel Abbatisville continetur pertinens ad dotem altaris Fontissumme pro dimidio modio frumenti et iterum quidquid a Varmarifonte usque ad prefatas curias ad communem decimam eiusdem altaris pertinens et insuper decimam campelli qui dicitur Hisaperes pro modio frumenti censualiter accepit pactione huiuscemodi quatenus his qui secum in eadem decima participant alias restituat qui modii in summa sunt XII de quibus ne inter ecclesias in futurum in compartienda vel coagitanda mensura aliqua contentio suboriatur provisum est ut omnis ad rasuram quod vulgo fust a fust dicitur mensuratur quibus et dimidius modius addatur Distinctum est etiam quod si forte post hec illa communis mensura creverit Humolariensis ecclesia reclamabit vel si decreverit alia reclamabit et pro altera reclamante prefata mensura in pristinum reformabitur et census ad abbatiam reducetur Que ut rata maneant testium astipulatione et chirographi incisione et sigillorum impressione et anathematis districtione confirmamus Signum Garini abbatis Signum Hugonis abbatis Signum Deodati prioris Signum Richardi prepositi Signum Hilduini prepositi Signum Balduini Signum Arnulfi Signum Rogeri cellarii Signum Bonardi cellarii Actum temporibus Garini abbatis [et] Hugonis secundi anno incarnationis Dominice MCXLVII anno videlicet peregrinationis Francorum indictione X epacta XXVIII concurrente II