Charter Document - 06000059

Eugenius episcopus servus servorum Dei dilectis filiis Hugoni Humolariensi abbati eiusque fratribus tam presentibus quam futuris regularem vitam professis in perpetuum Religiosis desideriis dignum est facilem prebere consensum ut fidelis devotio celerem sortiatur effectum Quocirca dilecti in Domino filii vestris iustis postulationibus clementer annuimus et prefatum locum in quo divino mancipati estis obsequio sub beati Petri et nostra protectione suscipimus et presentis scripti privilegio communimus Statuentes ut quascumque possessiones quecumque bona in presentiarum iuste et canonice possidetis aut in futurum concessione pontificum largitione regum vel principum oblatione fidelium seu aliis iustis modis Deo propitio poteritis adipisci firma vobis vestrisque successoribus et illibata permaneant In quibus hec propriis duximus exprimenda vocabulis Altare de Runereo a dilecto nostro filio Simone Noviomensi episcopo vobis canonice concessum est et advocationem quam ab Hugone Captivo et fratribus eius assensu Clarenbaldi de Vendoleo in beneficium suscepistis et conventionem super decima de Marceio factam inter vos et Philippum uxorem et filios eius assensu Burchardi et Godefridi fratris eius annuente Simone Noviomensi episcopo et quem fecistis cum Eselino super toto beneficio quod in Maricurti ab ecclesia vestra tenebat sicut rationabiliter facta sunt nos authoritate apostolica confirmamus Sane laborum vestrorum quos propriis manibus aut sumptibus colitis seu de nutrimentis vestrorum animalium nullus a vobis decimas exigere presumat Decernimus ergo ut nulli omnino hominum liceat prefatum locum temere perturbare aut eius possessiones auferre vel ablatas retinere minuere aut aliquibus vexationibus fatigare sed omnia integre conserventur eorum pro quorum gubernatione vel sustentatione concessa sunt usibus omnibus profutura salva sedis apostolice authoritate et diocesani episcopi canonica iustitia Si qua igitur in futurum ecclesiastica secularisve persona hanc nostre constitutionis paginam sciens contra eam venire temere tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine Domini nostri Iesu Christi quatenus hic fructum bone actionis percipiant et apud districtum iudicem premia eterne pacis inveniant Amen Amen Amen Ego Eugenius episcopus catholice ecclesie ss Ego Albericus Ostiensis episcopus ss Ego Ymarus Tusculanus episcopus ss Ego Guido presbyter cardinalis Sancti Chrysogoni ss Ego Odo diaconus cardinalis Sancti Georgii ad velum aureum ss Datum Parisiis per manum Hugonis presbyteri cardinalis agentis vicem domini Guidonis sancte Romane ecclesie diaconi cardinalis et cancellarii II idus maii indictione X incarnationis Dominice [anno] MCXLVII pontificatus vero domini Eugenii pape III anno tertio