Charter Document - 06000056
| Charter Number: | 06000056 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1146 |
| Date type: | Internal, A.D. |
| Resource Link(s): |
|
Charter:
In nomine Domini Nicolaus Dei gratia Cameracensis episcopus tam futuris quam presentibus in perpetuum Ut Deo et hominibus placentes bonum mundi sacrificii odorem solertius offeramus expedit ut nullius contra iustitiam agentes personam acceptantes ad ecclesiasticas impugnationes expugnandas scuto bone voluntatis gladio spirituali accingamur ad hec qui a pueritia edocti pastorali armatura subnixi controversiam quam inter dominum Walterum Peluchel quoad vixit et Nicolaum filium suum eius successorem et ecclesiam beate Hunegundis de Humbleriis super alodio de Diegniis usque ad hec tempora nostra interminata constiterat consilio religiosarum personarum pace abbatis Hugonis et capituli Humbleriensis eo tenore terminavimus ut prefatus Nicolaus et successores sui prefate ecclesie Humbleriensi infra Nativitatis Dominice et Theophanie dies singulis annis per vienatorem suum qui successu temporum vienatium de Landreciis collegerit viginti solidos monete illius terre pro censu irrefragabiliter persolvat Quod si vienatium et vienatores defecerint ex fructibus molendini et castelli censum eumdem ecclesie solvi facient Si autem in tempore Nicolai qui in presenti censualis possessor est vel in tempore cuiuslibet successoris sui preordinatus census defecerit eum in cuius tempore quod Deus avertat deficiet nos et successores nostri in cuiuslibet tempore contigerit excommunicabimus et terram suam quoad predicte reconciliatus fuerit ecclesie imbanniemus Huius terminationis testes sunt venerabiles fratres nostri Guidricus Letiensis Mainardus Altimontensis Radulfus Maroliensis Balduinus Sancti Ioannis Nicolaus Sancti Foillani abbates Nos vero ecclesie commoditati in posterum providentes in prevaricatores donec resipuerint excommunicationis sententiam proferimus et canonica subsignatione et sigilli nostri appositione huius nostri decreti paginam confirmavimus Signum Theoderici prepositi et archidiaconi Signum Ioannis Alardi archidiaconorum Signum Gerardi decani et archidiaconi Signum Guerimboldi Gerardi sacerdotum Signum Guilliermi Radulfi Obrici Gualteri levitarum Signum Albrici Eustachii Gualteri Ioannis Anselli Matthei sublevitarum Actum anno incarnationi verbi MCXLVI indictione III presulatus domini Nicolai X Ego Guerimboldus cancellarius scripsi et recensui