Charter Document - 06000053

Eugenius episcopus servus servorum Dei dilectis filiis Hugoni abbati Humolariensis monasterii eiusque fratribus tam presentibus quam futuris regularem vitam professis in perpetuum Quoniam sine vere cultu religionis nec charitatis unitas subsistere potest nec Deo gratum exhiberi servitium expedit apostolice authoritati religiosas personas diligere et earum loca pia protectione munire Eapropter dilecti in Domino filii vestris iustis postulationibus clementer annuimus et prefatum beate Dei genitricis semperque virginis Marie Humolariense monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus Statuentes ut quascumque possessiones quecumque bona idem monasterium in presentiarum iuste et canonice possidet aut in futurum concessione pontificum liberalitate regum largitione principum oblatione fidelium seu aliis iustis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis villam ipsam integre cum consuetudinibus et omnibus appenditiis suis Maurincurtem cum mansis et consuetudinibus eorum aquis et sedibus molendinorum et cum duabus partibus decime agrorum aquam ibidem pro qua thesaurarie Sancti Quintini singulis annis solidos XXX persolvitis Aquam quam de manu Gauterii cognomine Oison assensu dominorum suorum in eleemosynam accepistis Aquam quam de manu Alberti militis eiusdem ville sub annuo censu VI solidorum recepistis Haudiacurtem cum mansis suis et eorum consuetudinibus et omnibus pertinentiis suis Duos modios frumenti in Rumandicurte Curcellas cum aquis et molendinis et ceteris suis pertinentiis Fransnium cum omnibus appenditiis suis Altare de Landicurte Modicam decimam que est in loco qui dicitur Rutus In Brandicurte quartam partem allodiorum terrasque plurimas in eleemosynam ecclesie datas quas tenent a vobis conversi de Monte Sancti Martini de ipsis terris octavum vobis manipulum solventes et pro nemore quod ibidem habetis duos solidos In Poncellis duos solidos In Segundicurte mediam partem prediorum et duas partes decime In Haguncurte VI curtilia In Fontanis sex curtilia furnum unum terras de feudo Brunelli et alias in eleemosynam datas Abbatis villam cum terris et omnibus appenditiis suis In Marceio altare cum dote sua et terras eleemosyne In Mahinpon terras cultas et incultas quas ibi habetis In Bernoto tertiam partem prediorum in pratis in terris cultis et incultis in molendino in nemoribus duas partes totius decime quam accepistis quadam commutatione aliorum redituum de manu clericorum de Guisia In Windicurte XX solidos Apud Lecherias terras in eleemosynam datas Apud Tenollas sextam partem decime [Apud] Castelliacum prata molendina ecclesiam terras mansos cum consuetudinibus Decimam quam apud Macerias habetis In Seriaco sex solidos In Mecunia tres solidos et agrum unum In Monte Lauduni vineam unam In Laavalle tres vineas quas ibidem emistis In Monte Nantolii vineam unam In Belvario terras cultas et incultas In Ursvillari altare cum dote sua ibidem decimam culturarum quam in eleemosynam accepistis Item ibi terram de Sorbeio quam de manu Brunelli et sororis uxoris sue assensu filiorum filiarumque et dominorum partim donatione partim emptione accepistis Lambais cum appenditiis suis Apud Sanctum Quintinum hospites et consuetudines eorum Apud Faiet XX solidos et modicam decimam Apud Lantiacum quinque mansos cum omnibus consuetudinibus eorum In Pondrusio mansum unum VIII solidos solventem per annum In Bovincurte IV curtilia et duos agros In Perona dimidium furnum et IV solidos de manu clericorum sancti Fursei In Frisia aquam VIII mansos cum consuetudinibus eorum ibidem pro commutatione eiusdem aque centum anguillas et molere ad molendinum militis aquam tenentis quantum curie necesse fuerit sine multura in perpetuum In Ruminiaco mansos V cum consuetudinibus eorum terras ubi fuerunt vinee III solidos de ministerio maioris In Caciaco VIII mansos cum consuetudinibus eorum unum molendinum aquam et nemora In Cauviniaco curiam cum omnibus appenditiis suis mansos VIII cum consuetudinibus eorum ecclesiam furnum hospites cum omnibus consuetudinibus eorum In loco qui dicitur Albincurtis duas partes totius decime quas uxor Roberti de Rupeio vestre ecclesie contulit in beneficio assensu filiorum dominorumque suorum a quibus eas in feudo tenebat et assensu Simonis Noviomensis episcopi Apud Corbiniacum reditus quos ibi habetis Apud Cauniacum terras quas in eleemosynam accepistis Apud Gisneiam hoc quod Asselinus de Porta iure hereditario possedit Prohibemus autem ut Viromandensis comes ipsius monasterii advocatus nihil a fratribus ipsius loci vel eorum hominibus exigat nec in bonis nec in possessionibus eorum exactionem faciat sed his que predecessores sui et ipse ex antiqua consuetudine de ipso monasterio habuerunt contentus existat videlicet singulis annis XXX solidos pro pastu apro uno somario uno si extra provinciam exercitum duxerit homines ville iuxta antiquam consuetudinem expeditionem ei tantum faciant sed si abbati et fratribus rebelles extiterint sicut consuetudo est eos ad iustitiam coerceat Decernimus ergo ut nulli omnino hominum liceat prefatum monasterium temere perturbare aut eius possessiones auferre vel ablatas retinere seu quibuslibet vexationibus fatigare sed omnia integra conserventur eorum pro quorum gubernatione et sustentatione concessa sunt usibus omnimodis profutura salva sedis apostolice authoritate et diocesani episcopi canonica iustitia Si qua igitur in futurum ecclesiastica secularisve persona huius nostre constitutionis paginam sciens contra eam temere venire tentaverit secundo tertiove commonita si non reatum suum digna satisfactione correxerit potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore et sanguine Dei et domini redemptoris nostri Iesu Christi aliena fiat atque in extremo examine districte ultioni subiaceat Cunctis autem eidem loco iusta servantibus sit pax domini nostri Iesu Christi quatenus et hic fructum bone actionis percipiant et apud districtum iudicem premia eterne pacis inveniant Amen Amen Amen Ego Eugenius catholice ecclesie episcopus In ora sigilli fiat mecum Domini signum in bonum Ego Conradus Sabinensis episcopus Ego Theodewinus Sancte Rufine episcopus Ego Gregorius presbyter cardinalis tituli Calixti Guido presbyter cardinalis tituli Sancti Chrysogoni Thomas presbyter cardinalis tituli Vestine Guido presbyter cardinalis tituli Sancti Laurentii in Damaso Nicolaus presbyter cardinalis tituli Sancti Cyriaci Presbyter Hugo tituli in Lucina Iulius presbyter cardinalis tituli Sancti Marcelli Villanus presbyter cardinalis tituli Sancti Stephani in Celio Monte Gregorius diaconus cardinalis Sanctorum Sergii et Bacchi Oddo diaconus cardinalis Sancti Georgia ad velum aureum Guido diaconus cardinalis Sanctorum Cosme et Damiani Octavianus diaconus cardinalis Sancti Nicolai in carcere Tulliano Petrus diaconus cardinalis Sancte Marie in Porticu Rodolphus diaconus cardinalis Sancte Lucie in Septasolis Gregorius diaconus cardinalis Sancti Angeli Ioannes diaconus cardinalis Sancti Adriani Datum Viterbii per manum Roberti sancte Romane ecclesie presbiteri cardinalis et cancellarii indictione VIII incarnationis Dominice anno MCXLV pontificatus vero domini Eugenii III pape anno primo