Charter Document - 06000051
| Charter Number: | 06000051 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1143 - 1145 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti Ex antiquis processit usibus affirmare scriptis et testibus illa videlicet que singulis temporibus prima etas suis tradit heredibus maxime vero bona sancte matris ecclesie posterorum memorie ne malorum rapina succedentium aut heredum invidia pessimorum que devotio contulit perturbare presumat sano iuris consilio commendat omnibus qui notum facimus tam posteris quam presentibus Ego Hugo ecclesie Humolariensis minister indignus cum filiis et fratribus Quoniam quidam miles de Sancto Quintino Walterus nomine Osonis cognomine divina preventus gratia contemptor presentium in spe meliorum ob meritum futurorum offert domino presentia ut eterna recipiat pro talique commercio prefatus miles huic ecclesie contulit in beneficio aquam quamdam aquis nostris contiguam in loco qui Brancurtis dicitur quam a quodam nepote suo Adam nomine cognomine Palevir in feodo tenebat Uterque itaque avunculus videlicet et nepos pari assensu parique consilio propriis manibus predictam oblationem ramo et cespite posuerunt super altare beatissime virginis Marie Domino voventes et iureiurando confirmantes nihil omnino ex die illo se reclamaturos sed et hoc posteris notificaverunt quod aquam supradictam de manu eiusdem foeneratoris redimerunt datis pro ea decem libris Hoc autem quod de iure maioris ipsius atque per os largitoris agnovimus et quod firmiter stare sibi vita concomite viriliter spondet posteris notificare curavimus