Charter Document - 06000047
| Charter Number: | 06000047 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1142 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Bartholomeus Dei gratia sancte Laudunensis ecclesie minister humillimus Quantas commissis ovibus debeamus excubias evangelica nos docet assertio dicens cui plus committitur plus ab eo exigitur his etiam verbis qui ab officio pastoris multorum curam suscepimus utilitati multorum provida cautione subvenire monemur Hoc attendentes notum ecclesie volumus tam presentibus quam futuris in perpetuum quod monachi Sancte Marie Humolariensis monasterii pariterque canonici ecclesie Sancti Gervasii de Guisia consideratis singulis suarum opportunitatibus sive commoditatibus ecclesiarum quedam de possessionibus suis intra se commutare nostro assensu decreverunt que etiam episcopali iure commutanda fuerant nostris in manibus utrique reddiderunt Annuente itaque Burcardo de Guisia cunctisque pariter ad quos ista donatio potuit pertinere memorati canonici dederunt per manus nostras ecclesie Humolariensi duas partes totius decime de Bresnost Illis itidem mutuo sibi donantibus altare de Monsteriolo et apud Flaviniacum partem molendini et pratum et campum apud Masliam curtilium et pratum insuper et omnia que apud Gisniacum videlicet et Fasticum et vindemias et pratum atque prateolos eorum ecclesia predicta possidebat Quo predicto modo facte commutationes ne aliqua in posterum oblivione aut occasione possint dissolvi scripto eas mandari atque inter eos per chirographum dividi precepimus testiumque subscriptione et sigilli nostri impressione roborari curavimus Signum Balduini abbatis Sancti Quintini de Insula Signum Garini abbatis Sancti Proiecti Signum Guillelmi abbatis Sancti Nicolai de Pratis Signum Gerardi abbatis Clarofontanensis Signum Godescalci abbatis de Monte Sancti Martini Signum Simonis de Ribodimonte Signum Wicardi de Auriniaco Signum Evrardi fratris sui Signum Clarembaldi de Fastis Signum Rohardi fratris sui Signum Odonis Waldencurtis Et ne aliqua persona hoc scriptum nostrum mutare presumat sub anathemate prohibemus Actum Lauduni anno MCXXXXII indictione V epacta XXII cyclus lune XIX Ego Bartholomeusa cancellarius relegi