Charter Document - 06000040

In nomine Patris et Filii et Spiritus sancti Docente ac suggerente Spiritu sancto didicimus fratribus Deo militantibus opem miserationis afferri debere eisque potissimum quos mundi flore calcato divine contemplationi videmus ardentius inherere Qui enim optimam partem elegere optima merentur ab optimis impetrare Eapropter ego Simon Dei gratia Noviomensis et Tornacensis episcopus hec presentes scire volumus et futuros venerabilem Humolariensis ecclesie abbatem Hugonem bone opinionis ac religionis virum cum eiusdem loci fratribus nos humiliter adiisse utque ecclesie sue longa temporis inquietudine super quam credi possit attrite in tantorum malorum remedium altare de Marci perpetuo concederemus multis modis exorasse Tuam itaque reverende fili Hugo plenam rationis petitionem attendentes presertim quod inibi per te monasticus ordo refloruerat condescendere petitioni tue dignum duximus tibique ac successoribus tuis in perpetuum salvo pontificali ac synodali iure altare postulatum benigne concessimus Si quis ergo concessionem celebriter et laudabiliter actam vel abnegare quod absit vel labefactare presumpserit anathematis eum vinculis obligamus apicibusque litterarum mandatarum cum testium tum sigilli nostri impressione stipulari non absurdum censuimus Signum Simonis episcopi Signum Hugonis archidiaconi Signum Gerardi decani canonicorum Sancti Quintini Signum domini Heriberti abbatis Sancti Preiecti Signum Goffridi cantoris Signum Anselmi presbyteri Signum Evrardi Signum Roberti diaconorum Signum Nevelonis Signum Oddonis canonicorum Actum apud Sanctum Quintinum anno incarnationis verbi MCXXXIII indictione XI domino Simone pontificante Ludovico rege imperante Domino autem Iesu Christo ad nutum suum omnia disponente cui est honor et gloria in secula seculorum Amen Ego Hugo cancellarius subscripsi