Charter Document - 06000031
| Charter Number: | 06000031 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1075 |
| Date type: | Internal, A.D., Regnal |
| Resource Link(s): |
|
Charter:
In nomine summe et individue Trinitatis Constitutiones antecessorum bonum est ut nos successores teneamus et corroboremus Ego igitur Heribertus comes Quintiniensis constituta ab antecessoribus meis de rebus Humolariensis ecclesie laudo et confirmo sicut patrem meum auditu didici laudasse et confirmasse trium virorum servorum sue dominationis sacramento Constantii videlicet marescalci Heriberti Ingelberti ea lege servata perpetualiter in tota illa abbatia ut si aliquis alicui iniuriam intulerit aut casu alius alium occiderit nec ego nec aliquis meorum inde faciet iusticiam nisi abbas et sui monachi Sed si aliquando ad faciendam iustitiam ab abbate vel a suis monachis advocatus fuero tunc tertia pars illius iustitie mihi accidet Hoc itaque factum antecessoris mei tempore iterum sacramento confirmatum est in presentia mea optimatumque meorum testimonio totius nostre curie Que libertas ecclesie ut firmius permaneat ego Heribertus comes testes idoneos subnotari precepi in hac chartula per me confirmata Signum Odonis decani Signum Widonis thesaurarii Signum Gomberti cancellarii Signum Rambaldi cantoris Signum Anselli castellani Signum Walteri prepositi Signum domesticorum Evrardi Oilbaldi Odonis Signum famulorum Sancte Marie Rainardi Rogeri Ioannis Bernardi qui probationem sacramento fecit Actum hoc est apud Sanctum Quintinum tempore Henrici abbatis et Huberti decani anno incarnationis Dominice MLXXV indictione XIII epacta XII regnante rege Philippo anno XVI