Charter Document - 06000025
| Charter Number: | 06000025 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1021 - 1043 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Patris et Filii et Spiritus sancti Ego Otto Dei annuente clementia Viromandensium comes et abbas Si vicem potestatis nostre a Deo nobis temporaliter concesse utinam iuxta salutem anime oportet indefesse iustis petitionibus assensum prebere maxime cum de rebus ecclesiasticis est negotium ut intemerate semper subsistant more antiquorum Igitur tam presentium quam futurorum agnoscat solertia quod venerit ad nos Walerannus abbas celle Humolariensis decusans suorum antecessorum negligentiam ac providens in futuro seculi malitiam petiit charta nostre authoritatis ecclesie confirmandum quoddam bonum id est districtiones terre exterioris sylve ac prati ville Humolariensi pertinentium cum viatici publici banno usque ad confinium circuitionis terrarum huic ville adiacentium quod Lambertus Sancti Quintini signifer et castellanus tempore Albrici abbatis per manum Adalberti comitis legali traditione pro anime redemptione Humolariensi ecclesie tradidit habendum qui postea deserens seculum sese pro Dei amore devovit monachum Unde hanc signo nostre authoritatis firmamus chartam eiusdem Lamberti verbis testantibus approbatam cuius authoritatem qui infringerit centum libras auri persolvat scrinio comitis Signum Ottonis comitis Signum Ermengardis comitisse Signum Emme comitisse Signum Theobaldi custodis Signum Oddonis militis Signum Yvonis de Nigella Signum Heszelini militis Signum Olberti militis Signum Freudonis militis Signum Waldrici militis Signum Clementis militis Signum Drogonis militis Signum Gaufridb militis Signum Geroldi militis Signum Rogeri militis