Charter Document - 06000021

Charter Document - 06000021


Charter Number: 06000021
Cartulary Title: The Cartulary and Charters of Notre-Dame of Homblières
Charter Language: Latin
Charter Origin: Religious
Charter Type(s): Approval
Date: 0987 - 0988
Date type: Assigned
Resource Link(s):

Charter:

In nomine sancte et individue Trinitatis Patris et Filii et Spiritus sancti Ego Heribertus gratia Dei testis Christi Quintini monasterii abbas et comes dictus Manifestum esse volumus tam presentibus quam futuris fidelibus viscera misericordie Dei expectantibus quod causa orationis et visitationis ad monasterium sancte Marie et alme virginis Hunegundis mihi profecto adfuit quidam miles nomine Arpardius cum uxore sua Frediburgi palam nostre voluntati faciens se velle dare in donatione ad predictam ecclesiam dicte celle Humolariensis ex sua hereditate dimidium quoddam mansionile quod dicitur Saisinulficurtis cum terris cultis et incultis ac sylvulis et omnibus aliis rebus mediis pro primi nominate coniugis mariti iam defuncti vocabulo Roberti et filii ipsius Witberti similiter defuncti culpis ac pro suis necne uxoris ac pro omnibus stirpis decesse aut humanam vitam decessure et sibi ut a Christo per merita sancte sue genitricis et iam dicte Hunegundis virginis deleantur in memoriaque iustorum habeantur Cuius vota libenter excepimus et ab eo deprecati et a sua coniuge scripto auribus futurorum fidelium mandavimus necnon nostra authoritate corroboravimus ut nemo infidelium iniquitatis rabie delusus manus audeat exerere in hac donatione quod si quis ausus fuerit hanc nostram manumissionem violare in primis iram Dei omnipotentis se sentiat incidisse atque multis modis illustrium virorum confossum verbere centum libras auri nostro scriniolo cogatur persolvere ac quod cepit nequaquam liceat obtinere Signum Adalberti comitis manu ipsius factum Signum Heriberti filii eius Signum Ermengardis uxoris eius Signum Odonis nepotis eius Adalberti scilicet Signum Gauzberti custodis Signum Hugonis decani Signum Waltelmi prepositi Signum Berengarii canonici Signum Wandelmeri canonici Signum Albonis canonici Signum Lamberti castellani Signum Bardelonis subcastellani Signum Gaufridi militis Signum Gerardi militis Signum Dudonis militis Bertoldusii cancellarius scripsit