Charter Document - 06000020
| Charter Number: | 06000020 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0982 - 0988 |
| Date type: | Assigned |
| Resource Link(s): |
|
Charter:
Nulli fideli catholice fidei dubium est sed omnes assensum prebent exhortari bonos benefacere perversosque iniqua agentes ad meliora sublevari simulque habitare iocunde in unum fraternali modo unumquemque tantum propter spem regni coelestis proposse solamen adhibere famulantibus Christo authoritate sancte et individue matris ecclesie ab hac quoque societate ego Albertus gratia Dei abbas Sancti Quintini nolo me segregare sed presentium ac futurorum precibus orthodoxorum emolumentum superne glorie promereri Quocirca scire volo legentes hoc atque lecturos audientes hoc atque audituros gratia rei supradicte dedisse me faventibus filiis meis Heriberto atque Ottone velle me meorum fidelium clericorum videlicet et laicorum tempore Alberici abbatis fratribus Deo famulantibus in parvo locello Humolarie nuncupato in honore beate Marie virginis atque sub sua pietate Hunegundis sub norma beati Benedicti duo sedia cum vineis puteo et omnibus respicientibus ad hec ex potestate ville que vulgo nuncupatur Novihant sita in pago Laudunensi [et] in villa que populari locutione Montes nuncupatur tali modo ut hoc firmum et stabile permaneat et Deo favente et nemine contradicente nisi eo qui non titubaverit contemni a se iram superne potentie in qua incurrat si id peragere tentaverit Signum Adalberti comitis manu ipsius factum Signum Heriberti filii eius Signum Hermengardis uxoris [eius] Signum Odonis nepotis eius Signum Gauzberti custodis Signum Hugonis decani Signum Waltelmi prepositi Signum Berengarii canonici Signum Albonis canonici Signum Wandelmeri canonici Signum Lamberti castellani Signum Baidobonis castellani Signum Gerberti militis Signum Budonis militis Bertoldus cancellarius scripsit