Charter Document - 06000019
| Charter Number: | 06000019 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Request |
| Date: | 0988 |
| Date type: | Internal, A.D., Calendar |
| Resource Link(s): |
|
Charter:
In nomine Patris et Filii et Spiritus sancti Noverit solertia cunctorum fidelium quod anno incarnationis Dominice DCCCCLXXXVIII accessit quidam vassallus nomine Hadericus cum consilio Eilberti et uxoris sue Herisnidis ad abbatem monasterii Humolariensis humiliter deprecans ut quidam puer nepos eiusdem Haderici in eodem monasterio susciperetur tradens ad locum cum eodem puerulo quemdam alodium in comitatu Otmensi in villa que dicitur Vendeniacus quem alodium ipse puer a fratribus et sororibus suis legali donatione suscepit data eis videlicet parte sua de omnibus aliis rebus quas communiter possidebant Qui alodus suis finibus terminatur de uno latere via publica de alio latere terra de potestate eiusdem ville Idcirco ego Heribertus comes eiusdem loci per deprecationem Herisnidis hanc chartam fieri iussi ut predicta traditio firma et inviolabilis in perpetuum maneat sub hac scriptione subnixa quam si quis infringere tentaverit in primis iram Dei omnipotentis incurrat deinde centum libras auri persolvat Signum Heriberti comitis Signum Ricardi Signum Valerii Signum Manases Signum Teuderici Signum Hugonis Signum Hadbrandeo Signum Landebert Signum Petri Signum Guntberti Signum Berneri Signum Benelini Signum Ansfred Signum Tedulfi Berherus cancellarius firmavit [et] subscripsit Data die XVII kalendas februarii