Charter Document - 06000017

In nomine sancte et individue Trinitatis Ego Adalbertus gratia Dei comes et abbas Notum facio universis sancte matris ecclesie filiis tam presentibus quam futuris quod accessit ad nos per fratres suos monachos Bernerus abbas celle Humolariensis petens ut commutationem de tribus campellis qui iacent in exitu ville eiusdem monasterii quam fecerat cum hominibus Sancti Quintini Alneo scilicet Theobaldo atque Constantio simplum accipiens et duplum reddens nostra authoritate firmaremus Quod nos libenter facere decrevimus Commutationem decime etiam ex eisdem campellis quam cum assensu episcopi per manum Theudonis decani sui fecerant inter se predictus abbas et Berangarius noster canonicus et fratrum prepositus dante abbate ex decima sancti Stephani ad altare sancti Martini in ruredio tantum et dimidium quod ab eo acceperat pro decima etiam unius parvi campelli ad altare sancti Martini in Haleio dignam redibitionem reddens et hoc simili authoritate confirmo ut utraque pars quod sibi firmiter teneat atque sine ulla contradictione in perpetuum Quod decretum si quis infringere tentaverit omnipotentis Dei iram incurrat et legali sanctione convictus XXX argenti libras nostro scrinio inferat et quod repetit nequaquam obtineat Actum in monasterio Sancti Quintini anno ab incarnatione Domini DCCCCLXXXII indictione X regnante domino Lothario XXVIII Signum Adalberti comitis Signum Heriberti filii eius Signum Gauzberti custodis Signum Berangarii prepositi Signum Varemboldi canonici Signum Lamberti castellani Signum Goderanni vassalli Signum Rodulfi vassalli Signum Valgisi vassalli Signum Monacharii vassalli Signum Ioannis vassalli Signum Baidalonis vassalli [] signa Hec predictorum signa plurimorum quidem extat notitia Hamfridus cancellarius recognovit et subscripsit