Charter Document - 06000016

In nomine sancte et individue Trinitatis Ego Adalbertus comes et abbas Sancti Quintini Si ecclesiastice utilitatis causa inter duas casas Dei aliqua commutatio agitur iustum videtur ut litteris roboretur Quapropter sciant cuncti fideles tam futuri quam presentes quod interpellavit nos dominus abbas Bernerus videlicet celle Humolariensis et Eilbertus noster fidelis super quadam commutatione quam inter se fecerant de terra sancte Marie sancteque Hunegundis et de terra Sancti Quintini que talis est Eilbertus accepit de terra Sancte Marie sancte[que] Hunegundis mansionilem quemdam qui dicitur Curticella situm super rivulum Rimacum pro quo reddidit alium mansionilem de terra Sancti Quintini situm in vicinio celle Humolariensis qui dicitur Rothliacus cum omnibus que ad se pertinent postulantes ut predicta commutatio nostra authoritate roboraretur Quorum petitionibus libenter annuentes hanc chartam fieri iussimus et propria manu firmavimus hoc legaliter statuentes ut predictam commutationem nemo unquam deinceps pervertere audeat Quod si quis presumpserit primo publicis legibus convictus XXXX libras argenti utrisque casis Dei persolvat et quod iniuste repetit nunquam obtineat Sic presens commutatio rata et incommutabilis inviolabilisque in perpetuum permaneat amen Signum abbatis comitis Signum filii eius Heriberti Signum Eilberti nobilis et prudentis viri qui hanc commutationem fecit Signum Baildelonis Signum Arnulfi Item Arnulfi Signum domini Berneri abbatis Signum Albrici monachi Signum Ursitionis monachi Signum Ansberti monachi Signum Rauberti monachi Signum Huberti monachi Signum Thetholdi monachi Signum Roberti monachi