Charter Document - 06000012

In nomine sancte et individue Trinitatis Heribertus Dei misericordia comes et abbas Notum sit universis sancte matris ecclesie filiis tam presentibus quam futuris quod accessit ad nos Bernerus abbas celle Humolariensis postulans ut duos mansos de terra ex potestate sancti Medardi que [est] in pago Vermandensi in villa que dicitur Ruminiacus ex beneficio fratris nostri comitis Adalberti liceret sibi ab eodem fratre nostro et ab eius fideli Madalgerio qui eam tenebat pecunia scilicet de thesauro sancte Marie redimere ad opus sancte Marie et sancte Hunegundis in usibus monachorum celle Humolariensis ea scilicet ratione ut pro eadem terra unoquoque anno ad altare sancti Medardi XII denarios in festivitate sancti Sebastiani persolvant et predictam terram iure quieto in perpetuum possideant [] deinde recipiat ecclesia nostra res suas nisi forte monachi Humolarienses a monachis sancti Medardi aut charitatis gratia aut maiori censu impetrare valuerint ut predictam terram diutius possideant Nos vero rem subtilius attendentes et hoc unde prius nihil habebamus et eorum necessitati et ecclesie sancti Medardi utilitati consulere decrevimus ut iuxta illud Apostoli Alter alterius onera portate ipsi haberent qualemcumque consolationem et altari sancti Medardi predicti respectus deferrent honorem id quod petebat cum consilio fidelium nostrorum libenter fieri concessimus et presentem chartam facere iussimus Unde si quis successorum nostrorum quod minime futurum credimus huius conscriptionis authoritatem infringere tentaverit iram omnipotentis Dei incurrat et fidelium iudicio convictus X auri libras exsolvat et quod inde repetit nequaquam obtineat sed presens concessio stabilis inconvulsa permaneat Actum in coenobio sanctorum Medardi et Sebastiani sub die VII kalendas aprilis anno incarnationis Dominice DCCCCLXIII regni autem Lotharii regis [anno] X Signum Lotharii regis Signum Heriberti qui hoc scriptum fieri iussit Signum Fulguini decani Signum Rodulfi Signum item Rodulfi Signum Evrardi Signum Gausmauri Signum Leudonis Signum Feroldi Signum Hermeranni Signum Erchemboldi Signum Richoldi Signum Achardi Signum Walonis Signum Hugonis Signum Rodulfi Signum Kainardi Signum Bosonis Signum Teubodi Signum item Bosonis Signum Rodulfi Signum Roberti Signum Evrardi Amalcuinus cancellarius scripsit et subscripsit