Charter Document - 06000011

In nomine sancte et individue Trinitatis Lotharius gratia Dei Francorum rex Si fidelium nostrorum bonam voluntatem quam habent maxime circa ecclesiasticam utilitatem regio favore prosequimur divine procul dubio nos voluntati parere et nostre saluti consulere certissime credimus Quapropter notum sit universis sancte matris ecclesie filiis tam presentibus quam futuris quod misit ad nos venerabilis comes Arnulfus humiliter efflagitans ut traditionem de mansionili qui dicitur Caziacus sito in pago Vermandensi quam sancte Marie sancteque Hunegundi et monasterio Humolariensi fecerat nostra authoritate corroboraremus Quod et facere decrevimus Que villa continetur mansis octo quinque ex una parte rivuli qui dicitur Lehona et tribus ex altera cum molendino cum pratis pascuis aquarumque decursibus Maneat ergo predicta traditio nostro munita privilegio ab omni querelarum strepitu inlesa et regali munimine stabiliter fixa inconvulsa persistat et intacta Quisquis vero contra hanc nostre preceptionis tutelam insurgere tentaverit quod minime futurum credimus primo ab omnipotente Deo ecclesiastice iniurie experiatur vindictam et nostro cunctorumque fidelium examine convictus regio fisco LX auri libras persolvat et quod repetat nequaquam obtineat Signum domini gloriosissimi Lotharii regis Francorum Datum VIII idus ianuarii regnante domino Lothario anno IX indictione IIII Actum Lauduni Feliciter