Charter Document - 06000010
| Charter Number: | 06000010 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0960 |
| Date type: | Internal, A.D., Calendar |
| Resource Link(s): |
|
Charter:
Ecclesiastice consuetudinis est rerum charitatis iure concessarum quibuscumque sancte religionis fratribus eterne retributionis spe insistentibus stabile testamentum fieri decenter et consimili sorte dicatis scilicet clericali que in posteritatem durare queat Igitur tam presentium noverit quam futurorum solertia quod accessit ad nostram presentiam Achardi videlicet decani et Crispini custodis ceterorumque Sancti Quintini canonicorum frater Bernaldus coenobitarum Sancte Humolariensis ecclesie prepositus iussu venerabilis abbatis Berneri deprecans ut tres mansos nostre communis possessionis supradicte concederemus ecclesie in succedentia tempora possidendos Cuius petitioni favere dignum ducentes concessimus unanimes Dedimus itaque prefate ecclesie supradictos mansos in Saviniaco villa sitos ea scilicet ratione ut ac si perpetuus heres firmiter possideat ac inviolabiliter teneat Et ut firmius eosdem mansos terre supradicta ecclesia teneat statuerunt et sub authoritate anathematis firmaverunt predicti ecclesie Sancti Quintini canonici ne aliqua secularis persona districtum vel aliquam consuetudinem ulterius in eadem terra sibi vendicare presumeret exceptis his consuetudinibus quod eamdem terram tenentes ter in anno generale placitum domini prefate ville convenirent et ei bis in anno carrucam corveiam faceret et mansuarius pro pastu pecudum arietem annuatim daret quod si etiam placitum in crastinum protelatum responsum aliquod ulterius non daret Ne autem nomina firmatorum ab iis ignorentur quorum presentie quandoque si necessarium fuerit hec chartula est representanda divise annotavimus authores ordinis et etatis futurorum memoriam presentium roboretur industria Signum Alberti comitis et abbatis Signum Crispini custodis Signum Evrardi presbyteri Signum Rudolphi diaconi Signum Hertrardi Signum Gerberge coniugis eius Signum Thognoardi prepositi Signum Theutonis presbyteri Signum Beroldi diaconi Signum Milonis diaconi Signum Heriberti filii eorum Signum Anselmi diaconi Signum Wifredi presbyteri Signum Berneri abbatis Signum Berlandi prepositi [Signum] Wichardi decani Signum Albrici diaconi Signum Rotaldi diaconi Signum Rodulphi cantoris Hamfredus cancellarius Sancti Quintini scripsit et subscripsit Actum in monasterio Sancti Quintini IV kalendas martii anno ab incarnatione Domini DCCCCLX