Charter Document - 06000009

Actio mundialis exigit ut res que legaliter determinantur taliter chartulis inserantur qualiter per eas posterorum memorie represententur Unde omnibus notum fieri volumus nostris successoribus Albertus abbas monasterii Sancti Quintini martyris quod fidelis noster nomine Bernerus abbas monasterii Sancte Marie Humolariensis expetiit ad nos ut quasdam res sue abbatie opportune confirmaremus Cuius petitionem ratam ac fidelem comperimus prout petebat fieri concessimus Dedimus itaque ei ad prefatam ecclesiam dicte genitricis Marie cum consensu et voluntate fratrum incliti martyris Christi Quintini monasterii de rebus abbatie prefati martyris in pago Vermandensi in villa que dicitur Latois que est de beneficio Dudonis cuiusque precatu in hoc egimus de terra arabili bunnaria XII Et e contra in recompensatione huius rei dedit nobis memoratus abbas Bernerus de rebus sue abbatie ad partem ecclesie prelibati martyris Quintini in prefato pago et in ipso beneficio in loco qui dicitur Vallis Sancte Marie de terra arabili bunnaria XII Hanc autem commutationem stabiliter confirmantes et confirmando stabilientes propriis manibus firmavimus clericorumque et laicorum manibus ad corroborandam tradidimus ut stabilis perpetualiter permaneat scriptorum manibus legaliter roborata Actum in vico Sancti Quintini II novembris quinto anno regni Lotharii gloriosissimi regis Signum Alberti abbatis qui hanc chartam fieri iussit Signum Gerberge uxoris eius Signum Herberti filii eorum Signum Oddonis filii eorum Signum Crispini custodis Signum Achardi decani Signum Anselmi diaconi Signum Hugonis diaconi Signum Stagnoardi presbyteri Signum Theutonis presbyteri Signum Evrardi presbyteri Signum Albrici didascali Signum Rodulfi diaconi Signum Deodati diaconi Signum Roberti subdiaconi Signum Gotranni vassalli Signum Anselmi vassalli Signum Otradi vassalli Scripsit has chartule grammas Benedictus iussu Hamfredi cancellarii