Charter Document - 06000007
| Charter Number: | 06000007 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0956 |
| Date type: | Internal, Calendar, Regnal |
| Resource Link(s): |
|
Charter:
In nomine Patris et Filii et Spiritus sancti Si iuxta dictum apostoli salubre censemus ut aliquid de rebus nostre proprietatis pro anime remedio in oblatione omnipotenti Deo sincere offeramus sine dubio firmiter decet credere quod copiosam mercedem retribuet nobis dominus pro tali actione Quapropter noverit universitas fidelium tam presentium quam futurorum quod ego Wallo quamvis miles indignus sub predicte rationis consideratione quatuor mansos alodii cum vinea pratis et sylvis ad se pertinentibus in pago Vermandensi in villa que dicitur Ruminiacus pro remedio anime Frednidis mee quondam carissime [coniugis] tradidi dono sancte Marie sancteque Hunegundis ad monasterium Humolariense ubi corpus eius sepultum est consentientibus meis filiis Wallonne et Gilberto necnon filiabus Bertha et Fridnide eo videlicet tenore ut exinde et in posterum iure prefato duos mansos habeant potestatem donandi vendendi et absque ulla contradictione quidquid exinde placuerit faciendi Quod si quis contra hanc traditionem insurgere voluerit omnipotentis Dei iram incurrat ac regis fisco auri decem libras persolvat et quod repetit nequaquam obtineat et ut presens traditio firma et inviolabilis omni tempore permaneat qui hanc fieri iussi manu propria subter firmavi Actum est anno secundo regnante Lothario rege gloriosissimo IV nonas iulii Signum Wallonis qui hoc fieri iussit et filiorum eius Wallonis et Gilberti et filiarum eius Berthe et Frednidis