Charter Document - 06000002
| Charter Number: | 06000002 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Royal |
| Charter Type(s): | Excommunication |
| Date: | 0949 |
| Date type: | Internal, A.D., Calendar, Regnal |
| Resource Link(s): |
|
Charter:
In nomine sancte et individue Trinitatis Ludovicus gratia Dei Francorum rex Si divinis cultibus operam dantes ecclesiam Dei ad summum sacre religionis statum sustollere conamur regio iure ac progenitorum nostrorum privilegiis utimur Quocirca omnium sancte Dei ecclesie fidelium tam presentium quam et futurorum noverit solertia quoniam nostram adeuntes presentiam Adalbertus inclite indolis comes una cum nobili viro Eilberto et coniuge sua Hersendi suppliciter nostram exorantes munificentiam ut cuidam locello in pago Viromandensi sito qui vulgo dicitur Humolarias quo sacratissima sponsa Christi Hunegundis diem expectat beate remunerationis nostra dignaretur subvenire clementia quatenus quibusdam sanctimonialibus inibi non satis honeste viventibus et regulari districtioni subiici nolentibus inde remotis substituerentur monachi qui obedirent regule et abbati Quod nostra annuente authoritate predictus Eilbertus predictam abbatiam domino suo comiti videlicet Adalberto reddidit isdem vero comes nostre ditioni eamdem obtulit ea scilicet ratione ut precepto nostre authoritatis ita hanc muniri iuberemus quo absque ulla omnino diminutione et sine aliqua alicubi subiectione abbati regulari concessa inviolabilis in perpetuum permaneret Favente igitur coniuge nostra et venerabili archiepiscopo Artaldo cum episcopis Widone et Gibuino et clarissimo abbate Hincmaro et monachis eiusdem congregationis et comitibus predicto Adalberto et Ragenoldo cunctisque fidelibus nostris qui aderant precantibus et laudantibus ita fieri decrevimus cum quorum omnium consilio iam sepe dictam abbatiam cum omni integritate pro regula in eodem loco observanda abbati regulari habendam in perpetuum statuimus Et ut nostre authoritatis emolumentum per succedentia temporum curricula inviolabiliter conservetur manu nostra eum subtus firmantes sigillo corroborari precipimus nostro Sigillum domini Ludovici gloriosissimi regis Francorum Odilo notarius ad vicem Artaldi archiepiscopi summique cancellarii recognovit Actum Rhemis civitate in monasterio sancti Remigii kalendas octobris indictione VI anno XIIII regnante Ludovico rege glorioso anno incarnationis Domini DCCCCXLVIII