Charter Document - 06000001
| Charter Number: | 06000001 |
|---|---|
| Cartulary Title: | The Cartulary and Charters of Notre-Dame of Homblières |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0947 |
| Date type: | Internal, A.D., Regnal |
| Resource Link(s): |
|
Charter:
Ego in Dei nomine Transmarus sancte ecclesie Vermandensis ac Noviomensis indignus episcopus notum facio sancte ecclesie fidelibus in nostram venisse presentiam dominam Bertham Humolariensis monasterii abbatissam humiliter deprecantem ut altare sancti Stephani ecclesie que est in eadem villa Humolarias in qua sedet prefata abbatia loco sancte Marie et sancte Hunegundis daremus ad usus congregationis ibi Deo militantis Cuius humillimam petitionem intimando domino Ludovico regi simulque domino Artoldo archiepiscopo ecclesie Rhemensis suisque suffraganeis nostris coepiscopis prefati regis imperio dominique metropolitani ceterorumque episcoporum consilio petitioni tam humillime decrevimus libentissime parere Dedimus ergo ad prefatum locum sancte Marie et sancte Hunegundis prefatum altare congregationi eiusdem monasterii in perpetuum habendum sine ulla contradictione ea videlicet ratione ut omni anno duos solidos denariorum persolvat secundum quod iubet authoritas propter honorem cathedre episcopalis et quia corpus sancte Hunegundis tam venerabilis virginis hoc anno Deo volente coruscantibus miraculis de terra levatum est prefatum altare dedimus libenter Iubemus itaque ut defuncta persona ante episcopum adducatur altera cui idem episcopus altare prescriptum sine pecunia donet et curam animarum commendet Et ut hoc donum inviolabile permaneat et inconvulsum hanc chartam scribere precepimus et signo sancte Crucis insignivimus authoritateque sancte Trinitatis Patris et Filii et Spiritus sancti excommunicamus et a liminibus sancte ecclesie separamus illos omnes qui prefatum altare a loco sancte Hunegundis vi aut ingenio abstulerint Signum Ludovici regis Signum Gerberge regine et Lotharii filii eius Signum Hugonis ducis Signum Heriberti comitis Signum Arnulfi marchisii Signum Adelelmi militis Signum Rainaldi militis Signum Theodaldi militis Signum Helberti militis Signum Evrardi militis Signum Gerberti militis Signum Artoldi Rhemensis archiepiscopi Signum Rodulfi Laudunensis episcopi Signum Transmari Noviomensis episcopi Signum Abonis Suessionensis episcopi Signum Stephani Morinorum episcopi Signum Geraldi Ambianensis episcopi Signum Ingerrani Cameracensis episcopi Signum Gildieri Meledensis episcopi Signum Evagrii Triectensis episcopi Signum Hincmari abbatis Sancti Remigii Actum Lauduno Clavato anno Dominice incarnationis DCCCCXLVII quarto idus aprilis indictione V epacta XXVI concurrente XVI regnante Ludovico rege anno XI Oddo diaconus scripsit et relegit vice et iussu Erchembodi cancellarii domini Transmari Noviomensis episcopi