Charter Document - 05970033
| Charter Number: | 05970033 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Lay |
| Charter Type(s): | Summons |
| Date: | 1311 |
| Date type: | Assigned |
| Resource Link(s): |
|
Charter:
Ricardus Joye et Alicia uxor ejus queruntur de Roberto le Taverner eo quod idem Robertus venit die Jovis proximo post Purificationem Beate Marie ultimo preterito in villa Notingham ad seldam predictorum Ricardi et Alicie in Foro Cotidiano Notingham et dictam Aliciam vocavit meretricem et latronem et postea cepit panes in fenestra dicte selde et eam percussit et male tractavit et fecit Homesokin ad dampna dictorum Ricardi et Alicie xx solidorum et de hoc tendunt sectam Et predictus Robertus venit et defendit vim [] et dicit quod de nullo est culpabilis et hoc vult verificare et alii similiter Ideo inquisitio summoneatur Robertus le Taverner queritur de Ricardo Joye et Alicia uxor ejus eo quod ubi predicta Alicia allocavit de predicto Roberto unam seldam a festo Purificationis Beate Marie anno regni Regis Edwardi secundo usque ad terminum duorum annorum proxime sequentium solvendo in qualibet septimana iiij d ibi dicta Alicia fecit focum suum ad quamdam parietem de lapide et eam comburit per quod dicta paries viliter pejoratur ad dampna dicti Roberti x s et de hoc tendit sectam Et predicti Ricardus et Alicia veniunt et defendunt vim [] et dicta Alicia recognovit dictam allocationem in forma predicta set dicit quod quando allocavit dictam seldam illa invenit in dicta selda juxta dictam parietem unum astrum ubi focum ante fuerat et in illa placea fecit focum suum et dicit quod nullum dampnum fecit et hoc vult verificare et predictus Robertus sim iliter Ideo bona inquisitio summoneatur
Source (click image below to view full size)
