Charter Document - 05970025

Noverint universi presens scriptum in modum chirographi confectum vis[uri] vel audituri quod cum quedam contentiones mote essent inter Burgenses Nottingham ex una parte et Burgenses Derbi[e] ex altera parte super quibusdam exactionibus hinc inde factis tam de thelonio quam de emptione vivorum averiorum seu animalium et quibusdam aliis inferius specificatis tandem amicis omnibus intervenientibus de expresso consensu utriusque communitatis dicte contentiones quieverunt in hunc modum in crastino Sancti Jacobi Apostoli anno gratie millesimo ducentesimo septuagesimo nono et anno regni Regis Edwardi filii Regis Henrici septimo apud Sandiacre videlicet quod dicti Burgenses tam Nottingham quam Derb[ie] concesserunt hinc inde pro se et heredibus et successoribus suis de libertatibus predictorum burgorum quod qu[icunque] illorum burgorum quodeunque animal sive animalia seu averia quecunque infra [liber]tat[es] burgi alterius emerit venditores dictorum animalium seu averiorum coram ballivis dicte libertatis antequam cum dictis animalibus seu averiis eandem libertatem exeat producet ad theolonium suum inde si voluerit solvendum Et si ita contingat quod aliquis hujusmodi venditorum theolonium per quamcunque libertatem quam clamaverit inde theolonium suum solvere contempserit liceat dictis burgi emptoribus hujusmodi animalium seu averiorum emptionem suam inde omittere si voluerint aut optinere set quod solvant theolonium pro suo venditore si voluerint et sibi viderint expedire et postea cum transitum fecerint cum dictis animalibus seu averiis per custodes viarum qui vocantur Gategeters aut per alios de libertate burgi ubi emptio facta fuit qui signa theolonii pro dictis animalibus seu aver[i]is ab eis exigunt quieti per fidem suam scilicet quod steterunt coram ballivis modo predicto transeant Et si dicti emptores super hoc per quoscumque de burgo predicto impediti fuerint [] [de] libero transitu suo aut arestati et hoc fideliter convinci poterit tunc ipsi impeditores de dampnis suis que occasione hujus impeditionis et arestationis habuerunt per visum virorum fidedignorum utriusque ville satisfaciant Si enim contingat quod aliquis predictorum burgensium de quocunque burgo predicto fuerit vel ejus serviens aliqua hujusmodi animalia seu averia predicta alia quam sua propria in deceptione theolonii asportando per se vel cum averiis suis propriis extra libertatem predictam fugare presumpserit et de hoc fideliter convinci poterit tunc dabit idem transgressor duos solidos [de] misericordia ballivis quibus ita transgressus est pro transgressione predicta et nichilominus predicta averia seu animalia arestentur quousque dictis ballivis de theolonio et transgressione satisfactum fuerit competenter et si aliquis serviens predictus de hujus[modi] transgressione convictus minus sufficiens inventus fuerit ad dictos duos solidos solvendos tunc dominus suus de dictis ij s in quantum merces sua extendit pro ipso dictis ballivis respondeat et etiam ipsum servientem a servitio suo dum tamen aliquid de dictis ij s a retro fuerit amoveat nec cum alio burgense in servitio moratur quousque dictis ballivis de dicta injuria plenarie fuerit satisfactum et si extunc secum habere voluerit vel aliquis alius burgensium utriusque ville []