Charter Document - 05970024
| Charter Number: | 05970024 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1272 |
| Date type: | Internal, Calendar, Regnal |
| Resource Link(s): |
|
Charter:
[H]enricus Dei Gratia Rex Anglie Dominus Hibernie et Dux Aquitannie archiepiscopis episcopis abbatibus prioribus comitibus baronibus justitiariis vicecomitibus prepositis ministris et omnibus ballivis et fidelibus suis salutem Sciatis nos concessisse et hac presenti carta nostra confirmasse Burgensibus nostris Notinghamm quod ipsi et eorum heredes imperpetuum per totam terram et potestatem nostram habeant hanc libertatem videlicet quod ipsi vel eorum bona quocumque locorum in potestate nostra inventa non arestentur pro aliquo debito de quo fidejussores aut principales debitores non extiterint Concessimus etiam eisdem Burgensibus quod imperpetuum habeant returnum brevium nostrorum de summonitionibus scaccarii nostri de omnibus ad burgum nostrum Notingham pertinentibus ita quod nullus vicecomes aut alius ballivus vel minister noster decetero intromittat se de hujusmodi summonitionibus aut districtionibus faciendis in predicto burgo nisi per defectum dictorum Burgensium aut Ballivorum ejusmodi burgi Quare volumus et firmiter precipimus pro nobis et heredibus nostris quod predicti Burgenses et eorum heredes imperpetuum habeant libertates predictas sicut predictum est Et prohibemus super forisfacturam nostram decem librarum ne quis eos contra libertates illas in aliquo injuste vexet disturbet vel inquietet Hiis testibus Thoma de Clare Petro de Chaumpvent Willelmo de Wintreshull Willelmo Belet Waltero de Surges Galfrido de Percy Johanne Carbunel Willelmo Arnald et aliis Datum per manum nostram apud Westmonasterium quartodecimo die Aprilis anno regni nostri quinquagesimo sexto
Source (click image below to view full size)
