Charter Document - 05970015
| Charter Number: | 05970015 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 |
| Date type: | Assigned |
| Resource Link(s): |
|
Charter:
Omnibus Sancte Matris Ecclesie filiis ad quos presens scriptum pervenerit Willelmus filius Yvonis de Stanton super Wold salutem in Domino Noverit universitas vestra me dedisse et concessisse et hac presenti carta mea confirmasse Deo et Hospitali Sancti Johannis Baptiste de Nottingham et Fratribus ibidem Deo servientibus in liberam et perpetuam elemosinam duas bovatas terre in villa de Stanton super Wold cum tofto et crofto et omnibus pertinentiis suis quas Yvo pater meus tenuit de dono Domini Roberti de Salceto et ego Willelmus heres suus post eum tenendas et habendas libere et quiete pacifice et integre in liberam et perpetuam elemosinam reddendo inde annuatim capitali Domino feodi unam libram cimini vel duos denarios ad Natale Domini pro omni servitio seculari et demanda salvo forinseco servitio Domini Regis Ut hec autem donatio et concessio mea rata permaneat et stabilis presenti pagine sigilli mei munimen apposui His testibus Domino Waltero de Estweith tunc Vicecomite de Nottingham Domino Hugone Bello Roberto Vavasur Radulfo Bugg Augustino Corner Astino filio Alicie Astino Kerdon Roberto filio Bugeram Willelmo filio Briani Roberto fratre cujus Radulfo de Winnefeld et multis aliis
Source (click image below to view full size)
