Charter Document - 05970007
| Charter Number: | 05970007 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 |
| Date type: | Assigned |
| Resource Link(s): |
|
Charter:
Omnibus Sancte Matris Ecclesie filiis ad quos presens scriptum pervenerit Hugo de Nevill eternam in Domino salutem Noverit universitas vestra me divine pietatis intuitu pro salute mei et uxoris mee et liberorum meorum et pro animabus predecessorum et successorum meorum dedisse et presenti carta mea confirmasse Deo et Magistro et Fratribus Domus Hospitalis Sancti Johannis Baptiste de Nottingham ad sustentationem suam et pauperum ibidem hospitantium duas carectatas lignorum in qualibet hebdomada in bosco meo de Arnehale per visum forestarii mei de eadem villa percipiendas Quare volo et firmiter precipio quod dicti Magister et Fratres teneant et habeant memoratas duas carectas lignorum singulis ebdomadis sibi et successoribus ejusdem domus de me et heredibus meis libere et quiete sine aliquo impedimento in puram et perpetuam elimosinam et jure perpetuo possideant Et ut hec mea concessio perpetue firmitatis robur obtineat eam presenti carta et sigilli appositione roboravi His testibus Roberto de Harestan Waltero de Moreton Elia et Waltero de Breton Roberto filio Fulconis Radulfo Clerico de Lenton Garvasio et Willelmo de Arnehale et Roberto filio Willelmi de Lenton et aliis
Source (click image below to view full size)
