Charter Document - 05970005
| Charter Number: | 05970005 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1200 |
| Date type: | Internal, Calendar, Regnal |
| Resource Link(s): |
|
Charter:
Johannes Dei Gratia Rex Anglie Dominus Hybernie Dux Normannie Aquitannie et Comes Andegavie archiepiscopis episcopis abbatibus comitibus baronibus justitiariis vicecomitibus et omnibus ballivis et fidelibus suis totius Anglie salutem Sciatis nos concessisse et presenti carta nostra confirmasse Burgensibus nostris de Notingeham omnes illas liberas consuetudines quas habuerunt tempore Henrici Regis proavi nostri et tempore Henrici Regis patris nostri sicut carta ejusdem Henrici patris nostri testatur scilicet Thol et Theam et Infangenetheof et Tholonea a Thurmodeston usque ad Niwerk et de omnibus Trentam transeuntibus ita plenarie ut in burgo de Notingham et ex alia parte a duitto ultra Rempeston usque ad aquam de Radeford in Nord et de Bikeresdik Homines etiam de Notinghamsir et de Derebisir venire debent ad burgum de Notingham die Veneris et Sabbati cum quadrigis et summagiis suis nec aliquis infra decem leucas in circuitu de Notingham tinctos pannos operari debet nisi in burgo de Notingham Et si aliquis undecunque sit in burgo de Notingham manserit uno anno et die uno tempore pacis et absque calumpnja nullus postea nisi Rex in eum jus habebit Et quicumque burgensium terram vicini sui emerit et possederit per annum integrum et diem unum absque calumpnia parentum vendentis si in Anglia fuerint postea eam quiete possidebit Neque preposito burgi de Notingham aliquem burgensium calumpnianti respondeatur nisi alius fuerit accusator in causa Et quicunque in burgo manserit cujuscunque feodi sit reddere debet simul cum burgensibus taillagia et defectus burgi adimplere Omnes etiam qui ad forum de Notingham venerint a vespere die[i] Veneris usque ad vesperam Sabbati non namientur nisi pro firma nostra Et iter de Trente liberum esse debet navigantibus quantum pertica una optinebit ex utraque parte fili aque Preterea concessimus etiam de proprio dono nostro et hac carta nostra confirmavimus eisdem liberis Burgensibus nostris Gildam Mercatorum cum omnibus libertatibus et liberis consuetudinibus que ad Gildam Mercatorum debent vel solent pertinere et quod ipsi sint quieti de Tholonea per totam terram nostram infra nundinas et extra Et licet illis quem voluerint ex suis in fine anni prepositum suum facere qui de firma nostra pro ipsis respondeat ita quod si idem prepositus nobis displiceat illum ad voluntatem nostram removebimus et ipsi alium ad libitum nostrum substituent Concessimus etiam eisdem Burgensibus ut quicumque ab eis constitutus fuerit prepositus ejusdem burgi solvat firmam ejusdem burgi ad dominicum scaccarium nostrum ubicumque fuerit in Anglia ad duos terminos medietatem scilicet ad clausum Pasche et medietatem in octabis Sancti Michelis Quare volumus et firmiter pracipimus quod predicti Burgenses habeant et teneant predictas consuetudines bene et in pace libere et quiete honorifice et pacifice plenarie et integre sicut habuerunt tempore Henrici Regis proavi nostri et tempore Henrici Regis patris nostri cum predictis augmentis que eis concessimus Et prohibemus ne quis contra hanc cartam nostram predictis Burgenses vexare presumat in aliquo super decem libras forisfacti nostri sicut eis concessimus et rationabili carta nostra confirmavimus dum essemus Comes Moretoniac Hiis testibus Gaufrido filio Petri Comite Essexie Willelmo Briwere Hugone Bard[ulfi] Roberto filio Rogeri Willelmo de Stotevill Hugone de Nevill Simone de Pateshull Gilleberto de Norfolk Datum per manus Simonis Archidiaconi Wellensis et Johannis de Gray Archidiaconi Clivelandie apud Clipston xix die Martii regni nostri anno primo
Source (click image below to view full size)
