Charter Document - 05970004
| Charter Number: | 05970004 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1189 |
| Date type: | Assigned |
| Resource Link(s): |
|
Charter:
[Johannes Comes] Moret[onie] omnibus hominibus et amicis suis Francis et Anglis presentibus et futuris salutem Sciatis me concessisse et hac presenti carta mea confirmasse Burgensibus meis Notingeham omnes illas liberas consuetudines quas habuerunt tempore Henrici Regis proavi mei et tempore Henrici Regis patris mei sicut carta ejusdem Henrici patris mei testatur scilicet Thol et Theam et Infangenetheof et Tholonea a Thurmodeston usque ad Niwerch et de omnibus Trentam transeuntibus ita plenarie ut in burgo de Notingeham et ex alia parte a duitto ultra Rempeston usque ad aquam de Radeford in Nord et de Bikeresdic Homines etiam de Notingehamsir et de Derbisir venire debent ad burgum de Notingeham die Veneris et Sabbati cum quadrigis et summagiis suis nec aliquis infra decem luceas in circuitu de Notingeham tinctos pannos operari debet nisi in burgo de Notingeham Et si aliquis undecumque sit in burgo de Notingeham manserit uno anno et die uno tempore pacis et absque calumpnia nullus postea nisi ego in eum jus habebit Et quicumque burgensium terram vicini sui emerit et possederit per annum integrum et diem unum absque calumpnia parentum vendentis si in Anglia fuerint postea eam quiete possidebit Neque preposito burgi de Notingeham aliquem burgensium calumpnianti respondeatur nisi alius fuerit accusator in causa Et quicunque [in burgo ma]nserit cujuscunque feodi sit reddere debet simul cum burgensibus tailagia et defectus burgi adimplere Omnes etiam qui [ad forum] de Notingeham venerint a vespere die[i] Veneris usque ad vesperam Sabbati non namientur nisi pro firma mea Et iter de Trente [liberum] esse debet navigantibus quantum pertica una optinebit ex utraque parte fili aque Preterea concessi etiam de proprio dono meo et hac mea [carta] confirmavi eisdem liberis Burgensibus meis Gildam Mercatorum cum omnibus libertatibus et liberis consuetudinibus que ad Gildam Mercatorum debent [vel sole]nt pertinere et quod ipsi sint quieti de Tholonea per totam terram meam infra nundinas et extra Et licet illis quem voluerint ex suis in fine anni prepositum suum facere qui de firma mea pro ipsis respondeat ita quod si idem prepositus mihi displiceat illum ad voluntatem meam removebo et ipsi alium ad libitum meum substituent Concessi etiam eisdem Burgensibus ut quicunque ab eis constitutus fuerit prepositus ejusdem burgi solvat firmam ejusdem burgi ad dominicum scaccarium meum ubicumque fuerit in Anglia ad duos terminos medietatem scilicet ad clausum Pasche et medietatem in octavis Sancti Michelis Quare volo et firmiter precipio quod predicti Burgenses habeant et teneant predictas consuetudines bene et in pace libere et quiete honorifice et pacifice plenarie et integre sicut habuerunt tempore Henrici Regis proavi mei et tempore Henrici Regis patris mei cum predictis augmentis que eis concessi Et prohibeo ne quis contra hanc cartam meam predictis Burgenses vexare presumat in aliquo super decem libras forisfacti mei Hiis testibus Hugone Coventrensi Episcopo Ada Abbate de Wellebec Alexandra Priore de Lenton Aldr[edo] Priore de Novo Loco Rogero de Play Girardo de Canvill Henrico de Ver Radulfo Murde Galfrido de Jorz Samsone de Stretlee Simone filio Ricardi Roberto de Fornellis Willelmo de Furnellis Willelmo de Craumunt Rogero de Karkeny Galfrido Luterell Magistro Benedicto Serlone clerico et multis aliis
Source (click image below to view full size)
