Charter Document - 05970003
| Charter Number: | 05970003 |
|---|---|
| Cartulary Title: | Records of the Borough of Nottingham, 1155-1339. V.1. King Henry II to Richard II. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1182 |
| Date type: | Internal, Calendar |
| Resource Link(s): |
|
Charter:
Lucius Episcopus servus servorum Dei dilectis filiis Magistro et Fratribus Elemosynarie Domus de Nottingham salutem et apostolicam benedictionem Piis intentos operibus favore commisse nobis authoritatis convenit adjuvari ut fructum boni operis liberius exequantur cum ad temporales molestias propulsandas apostolico fuerint presidio communiti Ea propter dilecti in Domino filii laudabile piumque propositum quod suscipiendis pauperibus et egenis vos [habere] audivimus attendentes domum vestram cum omnibus que inpresentiarum juste et sine controversia possidetis aut in futurum justis modis prestante Domino poteritis adipisci sub Beati Petri et nostra protectione suscipimus et presentis scripti patrocinio communimus specialiter autem locum ubi domus vestra est cum ortis et omnibus pertinentiis suis Constituimus etiam ut nullus de ortis vel arboribus vestris seu de nutrimentis vestrorum animalium a vobis decimas exigere vel extorquere presumat Nulli ergo omnino hominum liceat hanc nostre protectionis seu constitutionis paginam infringere vel ausu temerario contraire si quis autem hoc attemptare presumpserit indignationem Omnipotentis Dei et Beatorum Petri et Pauli Apostolorum Ejus se noverit incursurum Datum Viterbii xiij Kalendas Apriles
Source (click image below to view full size)
