Charter Document - 05960252
| Charter Number: | 05960252 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam de Wanstede filius Henrici de Wansted concessi et hac presenti carta mea confirmaui Roberto de Bello Alneto totam terram quam Ricardus filius Daniel auus meus dedit Hugoni filio Roberti auunculo suo Scilicet totam terram quam Willelmus Niger tenuit in villa de Wanstede cum omne sequela sua Insuper dedi predicto Roberto de Bello Alneto in augmentum vnam acram terre super meam Chompam Scilicet illam que iacet iuxta proximam Chompam de Burhont Dedi etiam remisi et quietum clamaui pro me et pro heredibus meis prefato Roberto de Bello Alneto et heredibus suis sine ullo retenemento totum jus quod habui vel habere potui in tota terra que est inter Curiam predicti Roberti de Bello Alneto et boscum suum qui vocatur fridho Habend et tenend totam predictam terram cum omnibus pertinencijs suis illi et heredibus suis de me et heredibus meis libere et quiete pacifice et honorifice bene et integre Faciendo inde annuatim michi et heredibus meis ille et heredes sui seruicium quod antecessores eius solebant facere pro predicta terra scilicet duodecim denarios ad festum sancti Michaelis pro omni seruicio et exactione seculari ad me uel heredes meos pertinente saluo seruicio domini Regis Ita quod ego predictus Adam de Wansted uel heredes mei non poterimus namiare vel distringere predictum Robertum de Bello Alneto vel heredes suos super predictam acram de la chompa quam dedi ei in augmentum pro ullo seruicio uel inquisicione secular Pro hac autem concessione et donacione et carte huius confirmacione predictus Robertus affidatus meus est Et ego sepedictus Adam et heredes mei Warantizabimus totam dictam terram cum pertinencijs suis predicto Roberto et heredibus suis per predictum seruicium prout supra dictum est contra omnes homines et feminas Et ut omnia predicta firma et rata absque fraude imperpetuum permaneant presenti carte sigillum meum apposui Hijs testibus Herberto de Burhont Willelmo de Ho Gilberto de Baseuill Rogero de Merlay Willelmo de paie Roberto de Horsia Roberto de Burhont et multis alijs
Source (click image below to view full size)
