Charter Document - 05960250
| Charter Number: | 05960250 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1230 |
| Date type: | Assigned |
| Resource Link(s): |
|
Charter:
[S]ciant presentes et Futuri quod Ego Willelmus le Sariare dedi et concessi et hac presenti Carta mea confirmaui Auicie Filie Ricardi Blundi de Petresfelde quinque acras terre et dimidiam cum pertinenciis suis que iacent super Portesdoune in Campis de Westburhunta scilicet illas quinque acras et dimidiam quas Couere aliquam ibidem tenuit et vocatur Couereslonde in excambio duorum mesuagiorum in villa de Peteresfelde quorum vnum iacet iuxta mesuagium quod fuit Godwini a parte orientali Et aliud mesuagium iacet in Pen inter terram que fuit Gilberti Coleman et terram que fuit Petri de Flexam Et preterea in excambio vnius acre terre in Pen que iacet inter terram Radulphi Fabri et terram que fuit Alani de la Putte Habendam et tenendam sibi et heredibus suis vel cuicumque assignare voluerit et heredibus suis libere quiete pacifice iure hereditario imperpetuum Reddendo inde annuatim Johanni de la Bera Filio Roberti de la Bera dimidiam libram Cimini ad Festum sancti Michaelis pro omni seruicio et seculari exactione vel demanda mihi vel heredibus meis pertinente saluo regali seruicio ad tantam terram pertinente Ego vero dictus Willelmus Sariare et heredes mei dicte Auicie et heredibus suis et eorum assignatis dictas quinque acras terre et dimidia cum pertinenciis suis tenemur Warantisare imperpetuum per predictum seruicium contra omnes homines et feminas Et quia volo quod hec donacio et Concessio et huius excambij confirmacio Rata et firma sit imperpetuum presentem Cartam sigilli mei munimine roboraui Quos si post decessum meum contigerit quod heredes mei non possint predictam terram prefate Auicie vel heredibus suis vel attornatis Warantisare et defendere per visum legalium hominum in terra mea de Peteresfeld ei rationabile excambium facere debebunt Testes Herbertus de Burhunt Herbertus filius Willelmi et multis Alijs
Source (click image below to view full size)
