Charter Document - 05960249
| Charter Number: | 05960249 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 |
| Date type: | Assigned |
| Resource Link(s): |
|
Charter:
[S]ciant presentes et futuri quod Ego Willelmus de la Plaunte filius Walteri de la Plante dedi et concessi et presenti Carta et sigillo meo confirmaui Ricardo Swele de Suwica vnum mesuagium cum suis pertinencijs in villa de Suwica quod mesuagium Walterus de la Plaunte pater meus quondam tenuit in liberum burgagium de Priore et Conuentu de Suwica Reddendo inde annuatim pro omni seruicio Priori et Conuentui de Suwica ad duos terminos anni censuales duodecim denarios argenti sicut Carta patris mei testatur Habendum et tenendum predictum mesuagium sibi et heredibus suis vel quibuscumque assignare voluerit de me et heredibus meis quicumque fuerint per predictum seruicium et pro vna marca argenti quam michi dedit premanibus in gersumam Ita quod nullus heredum meorum in posterum aliquid juris racione illius mesuagij sibi possit vendicare Et vt hec mea donacio et mee presentis carte confirmacio imperpetuum rata sit et stabilis presenti scripto sigillum meum apposui Hijs testibus Dominis Gilleberto de Boseuile Herberto de Burhunte Roberto de Belauney Willelmo Pay Thoma Wayte Galfrido Pulein Roberto de Barra Magistro Radulfo de Suwica Andrea de Orseya Johanne de Criche Radulfo le Frere Petro de Hauehunte Roberto clerico et Multis Alijs
Source (click image below to view full size)
