Charter Document - 05960243
| Charter Number: | 05960243 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 |
| Date type: | Assigned |
| Resource Link(s): |
|
Charter:
[S]ciant presentes et Futuri quod Ego Willelmus de Hoo dedi et concessi et hac presenti Carta mea confirmaui Roberto le Burgeys pro homagio et seruicio suo totam terram illam quam habui de Johanne de la Bere apud Huppelye per Cartam habendam et tenendam de me et heredibus meis sibi et heredibus suis vel suis assignatis libere et quiete bene et in pace Reddendo inde annuatim ipse et heredes sui vel sui assignati in vigilia Purificationis beate Marie ad luminare altaris beate Marie de Suthewyk pro anima mea et anima vxoris mee et animabus heredum meorum et antecessorum meorum xij d et michi et heredibus meis ad Pentecosten xij d et vnum par Ceroticarum de precio vnius denarij pro omni seruicio et demanda saluo seruicio Regali quantum pertinet ad tantum terre Et ego Willelmus de hoo et heredes mei debemus Warantizare predictam terram cum pertinenciis predicto Roberto et heredibus suis vel suis assignatis contra omnes homines et feminas imperpetuum Pro hac autem Donacione mea et concessione et Carte mee Confirmacione dedit mihi predictus Robertus xx solidos sterlingorum in Gersumam et Alicie vxori mee xij d et heredi meo xij d Et vt hec mea donacio et concessio rata et stabilis semper permaneat presens scriptum sigilli mei munimine roboraui Hijs Testibus Domino Gilberto de Baseuile Domino herberto de Burhunt et Multis Alijs
Source (click image below to view full size)
