Charter Document - 05960240

Sciant presentes et futuri quod ego Johannes de Creyc dedi et concessi et hac carta mea presenti confirmaui domino Roberto de Belauney pro homagio et seruicio suo medietatem terre mee per totum que iacet inter Creyc et boscum quod vocatur Plesseys scilicet illam medietatem que iacet versus orientem sine aliquo retenemento quam tenui de Galfrido de Froill filio Hereberti et de domina Johanna de Borehunte que est de feudo domini Hereberti de Borehunt Habend et tenend de me et heredibus meis sibi et heredibus suis libere quiete integre pacifice honorifice in bosco et plano in pratis et pascuis et in omnibus aliis libertatibus ad predictam terram pertinentibus Reddendo inde michi et heredibus meis ipse et heredes sui annuatim pro omnibus serviciis et consuetudinibus et secularibus demandis saluo forinseco domini Regis quinque solidos scilicet ad festum sancti Egidij duos solidos et ad festum sancti Michaelis tres solidos Pro hac autem donacione et concessione predictus Robertus dedit michi Centum solidos sterlingorum et debet luciam filiam meam maritare Waltero [Imfo] de Hauersam omnino super custum suum et si ita contingat quod dictus Walterus [Imfus] cum dicta lucia pro aliquo impedimento matrimonium contraere non possit dictus Robertus de Belauney ad ualenciam terre dicti Walteri alibi dictam luciam honorabiliter maritabit Ego vero Johannes de Creyc et heredes mei dicto Roberto et heredibus suis predictum tenementum contra omnes gentes warantizabimus et defendemus Et ut hec donacio et concessio rata et stabilis perseueret hoc presens scriptum sigilli mei inpressione corroboraui Hijs testibus dom Willelmo de Ho Hereberto de Borehunt filio Willelmi de Borehunt Andrea de Porteseye Petro de Cosham Thoma la Weyte Willelmo Paye Ada de Wansted Roberto de Yerd Hereberto de la le et multis alijs