Charter Document - 05960239
| Charter Number: | 05960239 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Herbertus de Burh concessi et hac presenti carta et sigillo meo confirmaui Roberto de Bello Alneto filio Benedicti de Haueresham pro homagio et seruicio suo omnes terras et possessiones quas Hamelinus tenuit et Robertus de Haueresham auus eius et Hugo filius Roberti auunculus eius et Benedictus de Haueresham pater eius tenuerunt de Herberto de Burhunt auo meo et de Alexandro de Burh auunculo meo et de Waltero de Burhunt patre meo Tenendas de me et heredibus meis sibi et heredibus suis bene integre et honorifice libere et quiete In bosco et plano In pratis In aquis In vijs In semitis In omnibus locis et in omnibus libertatibus et liberis consuetudinibus ad predictas terras vel possessiones pertinentibus pro omni seruicio et exactione ad me vel heredes meos pertinente per seruicium quarte partis vnius militis et Insuper concessi ex parte mea eidem Roberto includere intus ad se terram illam que iacet inter domum suam et boscum qui vocatur friþe quantum ad me vel heredes meos pertinet Preterea ego Herbertus de Burh et heredes mei concessimus predicto Roberto de bello alneto et heredibus suis quod omnes homines sui qui de feudo meo sunt et in theþinga mea nichil magis faciant quam ad illos pertinet per capita hominum scilicet de merciamento sancti Martini et de Hokeday et de murdro nec de ullis alijs secularibus demandis His testibus dom Ada de Portesie Elya de la Falaise Willelmo fratre eius Rogero de Merlay Willelmo de Ho W Doget Thoma de la Bere Stephano de Siete Roberto de Horsie Johanne de Crych et multis alijs
Source (click image below to view full size)
