Charter Document - 05960186

[S]ciant presentes et futuri quod G prior et Conuentus ecclesie sancte Marie de Suwic tradiderunt Stephano filio Radulfi de breteuill totam terram illam quam Willelmus Le faire tenuit in manerio de Westburhunt cum omnibus pertinenciis suis Tenendam de ipsis libere ad firmam usque ad viginti annos a festo Sancti Michaelis proximo postquam dominus rex Johannes venit de Hubernia cum exercitu suo Reddendo in singulis annis Quinque solidos predicte Ecclesie scilicet in festo sancti Michaelis xxx denarios et in pasca alios xxx denarios pro omni seruicio ad predictam Ecclesiam pertinente saluo forinseto seruicio quantum ad tantum terre pertinet Et pro hac concessione et confirmacione Idem Stephanus dedit eidem Ecclesie Centum solidos Sterlingorum Et ut hec concessio usque ad predictum terminum xx annorum stabilis et firma permaneat eam hac Carta et sigillo suo confirmauerit Ipse uero S super sancta Ewangelia iurauit et insuper affidauit quod nec ipse nec aliis per eum siue de suis infra prescriptum terminum xx annorum impedimentum siue dolum perquiret quo minus predicta terra cum pertinenciis suis sine omni contradictione et disturbatione post predictos xx annos In festo Sancti Michaelis quieta redeat ad predictam Ecclesiam ut libere possit inde suam facere uoluntatem Si uero de predicto stephano infra prescriptum terminum secus acciderit canonici concesserunt quod residuum fuerit de eodem termino tenendum de predicto modo ad firmam de ipsis et per eundem rediditum illi quem ad hoc suo Loco cum hac carta assignauerit Sciendum autem est quod mense Augusto rediit supradictus Rex Johannes de hubernia et In festo sancti Michaelis sequente recepit S hanc terram Anno Incarnacionis MCC decimo Testibus Jocelino de monte constabelario de porcestr Hunfrido Capellano de porc Rogero de scuris Willelmo de breteuill Thoma de ho Alexandro de bera Roberto de bera Alano de frendest Roberto de barra Petro de Hauunt Guidone Clerico et Multis Aliis