Charter Document - 05960184
| Charter Number: | 05960184 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1209 - 1212 |
| Date type: | Assigned |
| Resource Link(s): |
|
Charter:
[S]ciant presentes et futuri ad quos presens scriptum peruenerit quod Ego Jordanus filius Thome per voluntatem et assensum Vdeline vxoris mee et heredum meorum vendidi domino Guidoni Priori et Conuentui Suthewicensis ecclesie dimidiam virgatam terre quam Gaufridus albz de me tenuit in Westburhunt cum predicto Gaufrido et tota sequela sua quam scilicet dimidiam virgatam terre dominus Willelmus de hometo mihi pro homagio et seruicio meo dedit tenendam prefatis Priori et Conuentui de me et de heredibus meis imperpetuum cum omnibus ad predictam terram pertinentibus Reddendo inde annuatim mihi vel heredibus meis dimidiam libram Cere in Die Purificacionis sancte Marie in ecclesia Suthwicensi pro omni seruicio excepto seruicio regali Et pro hac terra prenominati Prior et Canonici dederunt mihi sexaginta et duodecim solidos esterlingorum quos mihi premanibus pacauerunt coram septem hundredis Ailbrictestan Et vt hec vendicio mea rata habeatur et firma eam presenti Carta et sigillo meo confirmaui Hijs Testibus Galfrido Saluag tunc Vicecomite Suhantesir Magistro Radulpho de Neuill clerico et toto hundredo
Source (click image below to view full size)
