Charter Document - 05960178
| Charter Number: | 05960178 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1204 |
| Date type: | Internal, Calendar, Episcopal |
| Resource Link(s): |
|
Charter:
Omnibus christi fidelibus ad quos presens scriptum peruenerit Godefridus dei gratia Wynton ecclesie Minister eternam in domino salutem Ad omnium volumus peruenire noticiam quod nos vestigiis predecessorum nostrorum bone memorie Henrici et Ricardi quondam episcoporum Wynton inherentes concessimus ecclesie nostre Wynton et Conuentui nostro ibidem deo seruienti triginta marcas argenti de redditibus et prouentibus ferie nostre sancti Egidii infra terminum ferie singulis annis percipiendas integre in fabricam ecclesie sicut ijdem predecessores nostri constituerunt erogandas Concessi nichilominus eciam eidem conuentui nostro ad vsum sacristarie totam oblacionem de episcopatu nostro prouenientem de processionibus pentecostalibus tam de archidiaconatu Wynton quam de archidiaconatu Surr Preterea concessimus eis decem marcas argenti de Domo sancte Crucis singulis annis percipiendas in pauperes vestiendos errogandas si salua sufficienti et honesta eiusdem domus sustentacione tantum de redditibus ipsius domus expleto anno superficerit vnde predicte decem marce possint reddi Ad hec concessimus eis totum comodum quod de villa de nouo edificata super portum in Manerio de Alwarestok rationabiliter poterit prouenire Saluis nobis et successoribus nostris Curia et Capella nostra et curia persone Quod ut perpetue firmitatis robur optineat presenti scripto et sigilli nostri patrocinio duximus confirmandum Dat apud Wynton per manum Philippi clerici nostri viii kalend septembr pontificatus nostri anno xv Testibus Hiis Gregorio et Hunfrido capellanis Johanne de Lucy Philippo de Luci et aliis
Source (click image below to view full size)
