Charter Document - 05960175
| Charter Number: | 05960175 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1201 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit tam presentibus quam futuris frater G sola dignatione divina Suwic ecclesie servus indignus et ejusdem loci conventus Salutem in domino Ad universitatis vestre noticiam volumus pervenire nos unanimi consilio et assensu concessisse dilectis in Christo fratribus nostris et amicis domino Willelmo Savigneii et domino Johanni de Alneto abbatibus eorumque locorum conventibus totam illam placiam apud Portesmue que iacet inter placia domini Willelmi de Sancte Marie ecclesia quam de eo tenimus et placia p Rufi que placia extenditur in longum a via orientali qua itur ad molendinum de villa de Portesmue et pretenditur usque ad mare salvo altera via qua itur ad idem molendinum juxta mare tenenda de ecclesia nostra libere et quiete reddendo inde singulis annis nobis in festo Sancti Michaelis ii solidos esterlingos ita quod de predicta ecclesia Savigneii percipiemus annuatim eodem termino xii denarios et abbatia de Alneto alios xii denarios Et ut hec nostra confirmatio et concessio futuris temporibus stabilis et firma permaneat eam presenti scripto et sigilli nostri munimine confirmamus quamque proposse nostro warentizare et acquietare debemus Facta est autem hec nostra concessio anno incarnationis domini MCCI infra octabas nativitatis Sancti Johannis Baptiste Testibus his henrico de Buh comite de Hereford Alano filio Comitis Willelmo de Fugires Guiomar de Liun Teobaldo de Portesmue tunc preposito Ricerio Willelmo Cum barba Adam Juvene hugone clerico Roberto Karretario et aliis pluribus
Source (click image below to view full size)
