Charter Document - 05960173

Sciant presentes et futuri quod Ego Galfridus de la Hide dedi concessi et hac presenti Carta mea confirmaui Ricardo swele pro homagio et seruicio suo vnum mesuagium cum domibus super edificatis in villa de Suwike illud videlicet quod tenui de domino Herberto de Burhunt et iacet inter mesuagium Willelmi le gull et mesuagium Radulpho bulle et se extendit a regali via qua itur versus Wynton vsque ad filum aque et preterea concessi eidem Ricardo swele tres acras terre et dimidiam cum pertinenciis suis quarum vna acra iacet in villa de Porcestre inter terram dicti Ricardi swele et terram Roberti Guldenege et due acre iacent in eodem campo in orientali parte prenominate acre Et dimidia acra iacet in parte boriali de Portesdune inter terram prioris de Suwike ab oriente se extendit versus osedelle Habend et tenend de me et heredibus meis sibi et heredibus suis vel suis assignatis exceptis domibus religiosis vel iudeis libere et quiete pacifice et integre Reddendo inde annuatim mihi et heredibus meis ipse et heredes sui duos solidos sterlingorum scilicet ad festum sancti Michaelis duodecim denarios Ad pascha duodecim denarios et Vnum par Cirotecarum precio vnius denarii pro omni seruicio et seculari exactione et demanda saluo seruicio domini Regis quantum pertinet ad tantum terram de eodem feudo Pro hac autem donacione et Carte mee confirmacione dedit mihi predictus Ricardus swele octo marcas argenti et iiij solidos sterlingorum in Gersumam Ego Galfridus de la hide et heredes mei terram predictam cum pertinencijs suis predicto Ricardo et heredibus suis vel suis assignatis contra omnes homines et feminas Warantizabimus Et vt hec mea donacio et Carte mee confirmacio rata semper permaneat Cartam presentem sigilli mei impressione roboraui Hijs testibus herberto de burhunte juniore Ricardo de ho Richero mansel Thoma la Wnce Ada de lomere Roberto le Hore Ada de Wanstede Petro de la Bere Thoma Grenelief et multis alijs