Charter Document - 05960170
| Charter Number: | 05960170 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1235 |
| Date type: | Assigned |
| Resource Link(s): |
|
Charter:
Sciant presentes et futuri quod ego Olyua filia et heres Roberti de Praeres dedi et concessi et hac presenti karta mea confirmaui deo et ecclesie sancte Marie de Suwica et canonicis ibidem deo seruientibus pro anima Domini Rogeri Tyrel et pro anima mea et pro animabus antecessorum et successorum meorum in liberam puram et perpetuam elemosinam unum quarterium frumenti de grangia mea de Kateringetone percipiendum annuatim prima die Mensis Marcij ad anniuersarium predicti domini mei Rogeri Tyrel faciendum quod est quarto Nonas Marcij Et viginti sex denarios sterlingorum et unam liberam piperis quos pacabit annuatim eis Rogerus Paste de Kateringeton homo meus et tenens et heredes sui post eum in die sancti Michaelis Et si ita contigerit quod Rogerus Paste et heredes sui in soluendo redditu defecerint ego Oliua et heredes mei post me plenissime perficiemus de proprio nostro totum predictum redditum ad pitanciam predictis canonicis in prefato anniuersario faciendam inperpetuum predicti autem canonici per predictum redditum solempne facient seruicium singulis annis in die anniuersarij domini mei Rogeri Tyrel pro animabus nostris et antecessorum et successorum nostrorum Predictus vero Rogerus Paste de predicta libra piperis et de viginti sex denariis sterlingorum et heredes sui post eum predictis canonicis predicto termino respondebunt saluo seruicio Regali et dominorum Fundi Ego autem Oliua et heredes mei post me predictum frumentum deferemus domui de Suwica per proprium custum nostrum Et predictus Rogerus Paste et heredes sui post eum deferent predictum redditum predictis canonicis quem eis debent singulis annis ad predictum terminum Ego autem Olyua et heredes mei post me volumus et debemus Warantizare hoc donum caritatis prescriptis canonicis contra omnes homines et feminas inperpetuum Et vt hec mea donacio et concessio rata et stabilis predicte domui omnibus diebus absque dolo contradictione et diminucione mei vel meorum permaneat presens scriptum sigilli mei munimine confirmaui Hiis testibus Gilberto de Baseuile Domino Laurentio de Tichefeld decano Magistro Rogero persona de Kateringeton Waltero capello [filii] Willelmi de Arundel Ricardo capell de Wanstede Willelmo Doget Roberto de Horsie Willelmo Paye Johanne de Crich et multis aliis
Source (click image below to view full size)
