Charter Document - 05960169
| Charter Number: | 05960169 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1235 |
| Date type: | Assigned |
| Resource Link(s): |
|
Charter:
[U]niuersis Christi fidelibus presentibus et Futuris Adam de Pukebrok salutem Nouerit vniuersitas vestra quod Ego pro amore dei et beate Marie et pro salute mea et meorum omnium tam viuorum quam defunctorum concessi et presenti scripto et sigillo meo confirmaui Ecclesie sancte Marie de Suthewyk et Canonicis eiusdem loci in liberam puram et perpetuam elemosinam quietam ab omni exactione et seruicio seculari ad me vel heredes meos pertinente dimidiam virgatam terre quam hugo de Pageham de me et heredibus meis in feodo et hereditate tenuit et quam predicte ecclesie Suthewic in perpetuam elemosinam dedit et Carta et sigillo suo confirmauit vnde quinque acre iacent ex australi parte Grangie de Niwelanda in vno clauso et Residuum eiusdem est versus forestam iuxta terram Blakeman de Porteswalde Reddendo inde michi et heredibus meis duos solidos in Natiuitate sancte Marie pro omni seruicio saluo seruicio domini Regis Pro hac autem concessione et confirmacione mea prescripti Canonici dederunt michi in necessitate mea viginti tres solidos et quinque denarios sterlingorum Testibus hunfrido Capellano de Porc Jocelino de Munz et Multis Alijs
Source (click image below to view full size)
