Charter Document - 05960154
| Charter Number: | 05960154 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 |
| Date type: | Assigned |
| Resource Link(s): |
|
Charter:
Omnibus Christi fidelibus presentibus et futuris Engelramnus uicedominus pinc Salutem in domino Sciatis quod ego pro amore dej et pro salute mea et antecessorum meorum et maxime pro anima domine flandrine matris mee dedi et concessi Ecclesie sancte Marie de Suwic et canonicis eiusdem loci In Liberam puram puram et perpetuam Elemosinam terram illam que dicitur Adredecroft in Manerio de Wimeringes et ut anniuersarius dies predicte Matris mee iugiter et specialiter in prefata Ecclesia Suwic fiat imperpetuum Et quam prefati Prior et conuentus ad peticionem meam defaciendo Cymiterio in villa mea de Wimeringes diuine pietatis intuitu suum benigne prestiterunt assensum dedi eisdem canonicis in Liberam et perpetuam Elemosinam terram illam que dicitur Lingestoke unde annuatim duos solidos sterlingorum solebam percipere Vt autem predicti Canonici utram que terram habeant et teneant imperpetuum Liberam et quietam ab omni seruicio et exactione secularj Hanc concessionem et donationem meam presenti carta et sigillo meo confirmaui Testibus Rogero de scuris Matheo Oisel Matheo de scuris Hugone de pagaham Roberto bastard Willelmo de cosham Alano Adam de portesia Johanne aurifabro Roberto capellano et preposito
Source (click image below to view full size)
