Charter Document - 05960141
| Charter Number: | 05960141 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1198 - 1219 |
| Date type: | Assigned |
| Resource Link(s): |
|
Charter:
[S]ciant presentes et futuri ad quos presens scriptum peruenerit quod Ego Willelmus de Cossham dedi et concessi et presenti Carta et sigillo meo confirmaui Hugoni de Pageham Clerico pro homagio et seruicio suo totam quartam partem terre illius quam tenuit Robertus le kenteis et Aaliz Amita mea que scilicet mihi remansit in particione terre facta inter me et memoratam Aaliz vxorem quondam eiusdem Roberti per visum proborum et legalium virorum tenendam de me et heredibus meis memorata H et heredibus suis libere quiete integre pacifice et honorifice in Bosco et plano in vijs et semitis et in omnibus alijs rebus ad predictam terram pertinentibus Reddendo inde annuatim michi et heredibus meis duodecim denarios ad Festum sancti Egidij pro omni seruicio saluo seruicio regali Poterit autem idem h in ista concessione mea quem voluerit heredem sibi et successorem constituere Teneor autem ego Willelmus et heredes mei mediante fide Warantizare predictis Hugone et heredibus suis predictam terram contra omnes christianos et judeos Ita quidem quod de omni debito vel grauamine vel exactione que fieri poterit per conuencionem aliquam factam ante istam meam concessionem predictos hugonem et heredes suos adquietabimus et si quos forte sumptus vel expensas propter huius conuencionem fecerint nos eas illis in predicto redditu duodecim denariorum computabimus Et preterea dedi et concessi predicto hugoni vnam acram terre in Cossham proximam acre Willelmi de Erleg ante [portam] meam versus aquilonem tenendam eidem hugoni et heredibus suis de me et heredibus meis per predictum seruicium duodecim denariorum Testes G Prior Robertus et Baldewinus Canonici suthwicienses et Multi Alij
Source (click image below to view full size)
