Charter Document - 05960135
| Charter Number: | 05960135 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1193 - 1205 |
| Date type: | Assigned |
| Resource Link(s): |
|
Charter:
Vniuersis sancte Matris ecclesie filiis Willelmus Abbas de Dureford et Lodovicus precentor Cicestr salutem in domino Constitutis in presencia nostra Auctoritate Venerabilis patris nostri H dei gratia Cantuar Archiepiscopi Apostolice sedis legati Roberto priore Arundelli et Magistro Thome rectore ecclesie de Chalton et contendentibus super quibusdam decimis scilicet tercia porcione decimarum de dominio de Chalton tercia porcione decimarum de dominio de Hidesworth tercia porcione decimarum de dominio de Katerinton Sub hac transactionis forma lis inter eos sopita est Videlicet Robertus prior Arundelli concessit Magistro Thome predictas decimas tenendas de ecclesia sancti Nicholai de Arundello quoad uixerit reddendo inde Annuatim quinque solidos ad duos terminos scilicet duos solidos et sex denarios ad Natale domini et duos solidos et sex denarios in Natiuitate sancti Johannis Hanc autem concessionem fecit ei prior de Assensu et uoluntate Abbatis sagien et fratrum suorum monacorum de Arundello Magister uero Thomas fidelitatem iurauit ecclesie sancti Nicholai de Arundello de pensione ista fideliter soluenda et terminis obseruandis Permisit etiam eis obsequium suum ad eorum expensas fideliter prestandum saluo seruitio dominorum et Aduocatorum suorum priorum Nos itaque Auctoritate domini Cantuar qua functi sumus in causa ista transactionem istam confirmauimus et sigilli nostri appositione corroborauimus Hiis testibus Alexandro Capellano de stocton Henrico fratre Godefridi de stocton Galfrido filio Molendenarij Marcello clerico
Source (click image below to view full size)
