Charter Document - 05960131
| Charter Number: | 05960131 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1189 - 1204 |
| Date type: | Assigned |
| Resource Link(s): |
|
Charter:
[V]enerabili patri et domino Godfridus dei gratia Winton episcopo et Omnibus sancte ecclesie filijs tam presentibus quam futuris Guarinus de plaiz salutem Sciatis quod ego pro amore dei et beate Marie et sancti Andree Apostoli dedi et concessi et presenti carta et sigillo meo confirmaui deo et ecclesie sancte Marie de Suthewyk et Canonicis eiusdem loci in liberam puram et perpetuam elemosinam Capellam sancti Andree que est in feodo meo in parochia de Portesia et totam decimam meam de tota terra mea quam habeo in predicta parochia de Portesia tam de dominio quam de Villanagio scilicet de quolibet Blado et de omnibus alijs rebus que decimanda sunt et Insuper de molendino aduentum quod ibidem feci de proprio custo et labore meo et hec feci pro anima domini Radulfi de plaiz patris mei qui mihi predictam terram dedit pro seruicio meo hereditarie possidendam et pro salute domini fratris mei Radulfi filij et heredis sui et Adeliz vxoris sue et heredum suorum et pro salute mea et vxoris mee Adeliz et omnium parentum et dominorum nostrorum Ego eciam elegi corporis mei sepulturam apud suthewicam Prior autem et Conuentus eiusdem loci me in fraternitatem suam receperunt et post decessum meum singulis annis facient Anniuersarium meum in ecclesia sua et propter reuerenciam sancti Andree insuper concesserunt que cum Capella predicta meo auxilio et suo consilio fuerit consummata quociens ego vel vxor mea vel heres meus apud Portesiam residebamus in eadem Capella per aliquem suorum diuinum officium facient cotidie celebrari et nos quamdiu ibi moram fecerimus tam presbitero quam clerico suo tam in lumine quam in victualibus necessaria prouidebimus Cum autem absentes fuerimus tribus diebus in septimana facient ibidem ministrari pro reuerencia et honore apostoli et pro salute mea et omnium antecessorum meorum Huius rei testes sunt Radulfus de Plaiz et Vxor eius Adeliz Gillelmus Capellanus et Multi Alij
Source (click image below to view full size)
