Charter Document - 05960129

Karissimo patri et domino Godefrido dei gratia uenerabili Wint episcopo et omnibus sancte matris ecclesie filiis presentibus et futuris Johannes de Gisorz salutem Sciatis quod ego pro amore dei et pro anima Agnetis uxoris mee et pro salute mea et dominorum et heredum meorum et pro animabus patris et matris mee et omnium parentum dominorum et amicorum nostrorum dedi et concessi et presenti karta et sigillo meo confirmaui deo et ecclesie Sancte Marie de Suwic et Canonicis eiusdem loci in puram et perpetuam elemosinam liberam et quietam ab omni exactione et seruicio seculari viginti solidatas redditus in parrochia de portesia scilicet dimidiam hidam terre quam Johannes de Kingeston tenuit unde solebat reddere per annum x solidos de redditu et xxxii denarios de seruicio cum ipso Johanne et tota sequela eius et cum masuagio eiusdem Johannis cum tota crofta sua unde solebat reddere per annum ii solidos et i denarium et obolum pro dimidia acra quam fabianus solebat tenere quam eidem etiam ecclesie dedi in liberam et perpetuam elemosinam Dedi etiam predicte ecclesie et canonicis suwic ad perfiendum predictum redditum in liberam et perpetuam elemosinam dimidiam uirgatam terre quam Richerius tenuit in kingest unde solebat reddere per annum xxx denarios de redditu et viii denarios de seruicio et preterea unam croftettam ante domum Ricardi shroch unde idem Richerius solebat reddere annuatim xii denarios et preterea masuagium quod Ricardus de Suwod tenuit et predictus Richerius post eum solebat reddere annuatim xvi denarios Quare uolo et firmiter precipio concedo et confirmo quod predicti Canonici Suwic omnia predicta tenementa habeant et teneant cum hominibus et sequelis eorum in liberam et perpetuam elemosinam et eadem emendent et augeant ad utilitatem ecclesie sue Huius rei testes sunt Robertus de la haie Philippus de lestane Johanne de Resbaco Willelmus de Aubenni petro de Sancta Maria ecclesia Willelmus de portesia