Charter Document - 05960127

Notum sit omnibus Sancte matris Ecclesie filiis presentibus et futuris hanc Conuentionem factam fuisse anno Incarnationis dominice MC Octogesimo nono inter S abbatem et Conuentum Quarrarie et G priorem et Conuentum Suwic Ecclesie scilicet quod predictus Abbas et Conuentus Quarrar unanimi assensu capituli sui et insuper assensu et consilio domini Willelmi de Douem tunc abbatis Sauiniensis concesserunt predictis priori et Conuentui Suwic totum tenementum quod habuerunt de dono Baldewini de Portesia quod dicitur plan[ta] cum bosco et prato terra et pastura et edificiis et cum quadam Virgata terre iuxta terram Willelmi de Warda quam Paganus de Portesia predictis monachis excambiauit pro dimidia Virgata terre quam habuerunt in Portesia de dono predicti Baldewini et cum omnibus aliis rebus ad predictum tenementum de planta pertinentibus tenendum inperpetuum integre libere et quiete pro Viginti solidos sterlingorum quos exinde predictus Conuentus Suwic eisdem monachis de Quarrar singulis annis ad duos terminos persoluet scilicet ad pascha decem solidos et ad festum sancti Michaelis decem solidos Hanc autem obligationem fecerunt inter se predicti duo conuentus intuitu religionis et mutue dilectionis et maxime quia predictum tenementum quod planta dicitur remotum esse dinoscitur a predicto monasterio de Quarrar et eidem minus utile uidebatur et prenominate Ecclesie Suwic uicinum et accommodum et in parrochia sua situm Et pro hac concessione prefati Canonici de Suwic dederunt Monachis de Quarrar Viginti solidos sterlingorum Si autem predicti monachi de Quarraria in eadem parrochia aliquas terras alias uel redditus quoquo modo de cetero adquiesierint predicti prior et Canonici Suwic racione predicte Conuentionis nullatenus eas adquisitiones sibi uendicare poterunt Ad maiorem autem et illibatam confederationem utriusque Conuentus intuitu fraterne caritatis inter eos perpetuis temporibus habende Abbas et Conuentus de Quarraria concesserunt quod ex quo constiterit eis de obitu alicuius Canonicorum de Suwic facient pro eo seruicium in conuentu sicut pro monacho Et Prior et Conuentus Suwic concesserunt quod audito obitu alicuius monachorum de Quarrar facient pro eo seruicium in Conuentu sicut pro Canonico Abbas quoque Quarrar cum ab priore Suwicensi fuerit requisitus negociis Ecclesie Suwic consilium et auxilium suum diligenter impendet et Prior Suwic cum ab Abbate Quarrar fuerit requisitus negociis Ecclesie de Quarrar consilium suum et auxilium mutua caritate tenebitur nichilominus impendere Et ut hec confederatio mutue caritatis et predicta conu[en]tio inter eos perpetue firmitatis robur obtineat eas presenti cyrographo et Sigillo utriusque partis confirmauerunt Testibus Sefrido Episcope Cicestr Jona priore de hasting Sefrido Thesaurario Magistro Roberto de Boseham Matheo de Scur Rogero de Scur Ricardo presbitero de Waleswrth Anketillo Lupo Reinaldo et Ricardo de Denemede Willelmo clerico de Graft Thoma filio herberti Henrico filio herberti Rogero Greuesac Rogero de montechan Gilleberto Talebot Thoma filio Rogeri Waltero de Burh