Charter Document - 05960126
| Charter Number: | 05960126 |
|---|---|
| Cartulary Title: | Deeds from Portsmouth and Its Area Before 1547 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1187 - 1188 |
| Date type: | Assigned |
| Resource Link(s): |
|
Charter:
Sciant presentes et futuri quod ego petrus de cosham pro salute et incolumitate domini Regis et pro animabus patris et matris mee et omnium antecessorum meorum et pro salute anime mee et uxoris mee adeliz et omnium parentum et amicorum nostrorum concessi et presenti carta confirmaui ecclesie sancte Marie de Sudwica et canonicis ibidem deo seruientibus in presentia domini Ricardi Winton et S cicestr et A Watreford episcoporum et aliorum multorum qui tunc presentes aderant in dedicatione prefate Sudwic ecclesie in liberam puram et perpetuam elemosinam unam virgatam terre quam Sericus tenuit et dimidiam uirgatam iuxta eam quam Walterus Paruus tenuit cum omnibus pertinenciis earundem quam uirgatam et dimidiam dedi et confirmaueram thome filio Rogeri in feudo et hereditate libere et quiete tenendam de me et heredibus meis reddendo annuatim mihi duos solidos pro omni seruitio saluo seruitio domini Regis Hanc autem concessionem feci predicte ecclesie et canonicis ad petitionem thome prefati qui per assensum et uoluntatem meam prenominatam uirgatam et dimidiam cum pertinenciis earundem pro anima patris sui et antecessorum suorum in perpetuam elemosinam dederat Ad augendam uero dotem predicte ecclesie de Sudwic in dedicatione sua predictos duos solidos quos solebam annuatim percipere de prefato thoma pro prenominata uirgata terre et dimidia pro amore dei et beate Marie uirginis in eius nomine eadem ecclesia dedicata est quietos clamaui et in liberam et perpetuam elemosinam eidem ecclesie dedi Et ad huius elemosine mee incrementum adauxi et dedi eisdem canonicis unam croftam de terra mea que vocatur heortsole que est iuxta eandem terram Ut autem hec concessio et donatio mea predicte ecclesie et canonicis facta tam de uirgata terre et dimidia quam de duobus solidis et predicta crofta cum omnibus ad easdem pertinentibus sicut libera pura et perpetua elemosina stabilis firmaque permaneat eam presenti carta et sigillo meo confirmaui pro hac autem concessione et confirmatione mea prefati prior et canonici in magna necessitate dederunt mihi v marcas argenti Testibus Herberto archidiacono Cantuar et hugone Bard Willelmo Briwar Magistro thoma de Husseb Alano de furnell justiciis domini Regis Waltero Walerand Gaufrido filio Azonis Matheo de Scuris Rogero filio eius Ricardo de Herierd Henrico daco Reinaldus de denemed Germano Henrico filio Herberti Thoma Filio Rogeri
Source (click image below to view full size)
