Charter Document - 05960124

Vniuersis Sancte matris Ecclesie filiis presentibus et futuris ad quos presens scriptum peruenerit H dei gratia abbas monasterii Sagiensis et totus eiusdem loci Conuentus Salutem in domino Ea que in ecclesia dei ad communem fiunt utilitatem literarum necesse est apicibus annotari ut gestorum series ad posteros certior inuiolataque possit transferri ne uel obliuione rei ueritas periclitetur uel crescente in dies hominum malicia perturbetur Ad uniuersorum itaque uolumus noticiam peruenire quod cum controuersia esset inter nos et dilectos fratres nostros Canonicos Ecclesie Sancte Marie de Suwic super Ecclesia de Burh quam ad se de iure spectare dicebant explorata ad liquidum ueritate mediantibus uiris religiosis et prudentibus in hoc modum amicabiliter composuimus Intuitu itaque ueritatis et fraterne caritatis que in deo est iuri quod in prefata Ecclesia de Burh habebamus omnino renunciauimus et ipsam Ecclesiam cum omnibus ad eam pertinentibus prout inquisite ueritatis racio exigebat prenominatis Canonicis de Suw liberam quietam et absolutam inperpetuum ab omni exactione scilicet imperturbatione de communi totius capituli nostri consilio et assensu resignauimus et prescriptos canonicos Suwic conuentui nostro sub mutua et perpetua fraterne caritatis inter nos confederatione Tam in spiritualibus quam in temporalibus associauimus Conuentus quoque suwic pro monachis nostris presentibus et defunctis seruicium [faciet] spirituale et nos similiter pro ipsis Vt autem hec nostra resignatio de Ecclesia de Burh que totius capituli assensu et consilio facta est perpetuis temporibus rata stabilisque permaneat eam presenti carta et sigillo nostro confirmauimus Testibus Hugone episcopo Lincoln Willelmo de Hum Ricardo de Hum filius eius Jordano de Hum Willelmo de Saj Henrico de hum Henrico de Similli Willelmo fratre eius Walkelino capellano Episcopi Lincoln Radulfo capellano Gaufrido de Sancto Adwardo Gaufrido de lichelad Magistro Willelmo medico Radulfo hirdman Thoma de Porc